رووداو دیجیتاڵ
بەڕێوەبەرایەتیی گشتیی کاروباری فڕۆکەخانەکان سەر بە وەزارەتی گواستنەوە و ژێرخانی تورکیا، ئاماری کانوونی دووەمی 2024ی فڕۆکەخانەکانی تورکیا و باکووری کوردستانی بڵاوکردەوە و دەڵێت، نزیکەی 15 ملیۆن كه‌س لێیانەوە گەشتیان کردووە.
لە کانوونی دووەمی 2024 دا، فڕۆکەخانەکانی تورکیا و باکووری کوردستان خزمەتگوزارییان پێشکێشی 14 ملیۆن و 739 ھەزار و 696 کەس کردووە؛ هەروەها 337 هەزار و 443 تۆن باری کارگۆیش لە رێگەی فڕۆکەخانەکانەوە گوێزراوەتەوە.
بەگوێرەی بەڕێوەبەرایەتییەکە، لە ساڵی 2023دا 214 ملیۆن و 232 هەزار و 985 کەس بە 2 ملیۆن و 167 هەزار و 19 فڕۆکە گەشتیان کردووە؛ هەروەها 4 ملیۆن و 211 هەزار و 919 تۆن کەلوپەل لەو فڕۆکەخانانەوە بە فڕۆکەی کارگۆ گوێزراوەتەوە.
لە تورکیادا 62 فڕۆکەخانەی سڤیل هەن کە 18یان لە باکووری کوردستاندان. فڕۆکەخانەکانی ئامەد، خارپێت، ئەرزەڕۆم، دیلۆک، قەرس، مەلەتێ، سێواس، رووها و وان نێودەوڵەتین.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ