تورکیا بە درۆن هێزەکانی ئەنجوومەنی سەربازیی منبج بۆردوومان دەکات

 

بەپێی سەرچاوەکانی نزیک لە بەڕێوەبەرایەتیی خۆسەری باکوور و رۆژهەڵاتی سووریا، هێزەکانی تورکیا ئەمڕۆ سێشەممە، 9ی کانوونی دووەمی 2024، بە درۆنێک هێزەکانی ئەنجوومەنی سەربازیی منبجیان کە سەر بە هێزەکانی سووریای دیموکرات- هەسەدەن، لە گوندی قەرت وێران لە رۆژئاوای شاری منبج کردە ئامانج.

 

بەپێی زانیارییەکان، بەهۆی هێرشەکەوە زیانێکی زۆری مادی بەر ماڵ و موڵکی دانیشتووانی گوندەکە کەوتووە، بەڵام تائێستا هیچ زانیارییەک سەبارەت بە زیانی هێزەکانی ئەنجوومەنی سەربازیی منبج نەزانراوە.

 

سەبارەت بە هێرشەکەی ئەمڕۆ، تا ێستا هەسەدە و ئەنجوومەنی سەربازیی منبج هیچ راگەیێندراوێکیان بڵاونەکردووەتەوە. 

 

رۆژی 28ی کانوونی یەکەمی 2023، هێزەکانی تورکیا و چەکدارانی سەر بەو وڵاتە بە درۆن و تۆپخانە سێ گوندی ناوچەی منبجیان کردبووە ئامانج و زیانێکی زۆری مادی لێکەوتبووەوە.