رووداو دیجیتاڵ
سوپای ئیسرائیل کوژرانی سەربازێکی لە سنووری لوبنان راگەیاند. بەو جۆرەش ژمارەی سەربازە کوژراوەکانی ئەو وڵاتە لە سنووری لوبنان لە 24 کاژێردا بۆ 2 کەس بەرزبوویەوە.
ئەمڕۆ دووشەممە، 7 ئۆکتۆبەری 2024، سوپای ئیسرائیل بڵاویکردەوە، سەربازێکی بە ناوی ئەڤیڤ مێگان تەمەنی 43 ساڵ لە سنووری لوبنان لە ئەنجامی تۆپباران کوژراوە.
بەیانی ئەمڕۆش سوپای وڵاتەکە کوژرانی سەربازێکی بەناوی ئەتای ئەزولای و برینداربوونی 2 سەربازی دیکەی راگەیاندبوو.
ئەمڕۆ ساڵێک بەسەر جەنگی ئیسرائیل لەگەڵ حەماسی فەلەستینی و حیزبوڵڵای لوبنانی تێدەپەڕێت.
بە گوێرەی سوپای ئیسرائیل، لە ماوەی یەک ساڵی جەنگدا 729 سەربازی ئیسرائیل لە جەنگی نێوان سوپای ئەو وڵاتە لەگەڵ گرووپە چەکدارەکانی کەرتی غەززە و حیزبوڵڵای لوبنان کوژراون.
سوپای ئیسرائیل دەڵێت، هەر لە جەنگەکەدا 18 هەزار چەکداری حەماس و 800 چەکداری حیزبوڵڵای لوبنانی کوژراون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ