رووداو دیجیتاڵ
شاندێکی هەرێمی کوردستان بەشداری لە چواردەمین خولی لووتكه‌ی وەبەرهێنانی ئه‌بوزه‌بی دەکات کە ئەمڕۆ دەستپێدەکات.
ئەمڕۆ دووشەممە، محەممەد شوکری، سەرۆکی دەستەی وەبەرهێنانی هەرێمی کوردستان بە تۆڕی میدیایی رووداوی گوت: بە سەرۆکایەتیی شاندێک بەشداری لە لووتکەکە دەکات و لە پەراوێزیشدا چەند کۆبوونەوەیەک دەکەن.
شاندەکەی هەرێمی کوردستان بە سەرۆکایەتیی محەممەد شوکرییە و نوێنەری وەزارەتی بازرگانی، وەزارەتی دارایی، هەژماری من و چەند وەبەرهێنێکی تێدایە.
14ـەمین خولی لووتكه‌ی وەبەرهێنانی ئه‌بوزه‌بی ئەمڕۆ دەستپێدەکات کە بەناونیشانی "نەخشەرێی داهاتووی وەبەرهێنانی جیهانی و ئاراستەی نوێی دیمەنی وەبەرهێنانی جیهانی بەرەو سیستمێکی جیهانیی هاوسەنگ"ـە.
لووتکەکە تاوەکو 9ی نیسان بەردەوام دەبێت و بە بەشداریی چەند سەرۆکێک، 60 وەزیرو پارێزگارانی بانکی ناوەندیی وڵاتان، 30 سەرۆکی شارەوانی و هەزار و 250 پانێڵیست لە 180 وڵاتەوە بەڕێوەدەچێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ