رووداو دیجیتاڵ
سوپای ئیسرائیل رایدەگەیێنێت، فڕۆکە جەنگییەکانی وڵاتەکە لە باشووری لوبنان فەرماندەیەکی حیزبوڵڵایان بەئامانج گرتووە و کوشتوویانە.
ئەمڕۆ دووشەممە 04-11-2024 سوپای ئیسرائیل رایگەیاند، فڕۆکە جەنگییەکانی وڵاتەکە، لە باشووری لوبنان ئەبو عەلی رەزا، فەرماندەی حیزبوڵڵایان کوشتووە.
ئیسرائیل هەروەها دەڵێت، فەرماندەکە بەرپرسی ناوچەی بەرەعشیت بووە لە باشووری لوبنان. هەروەها بەرپرس بووە لە ئەنجامدانی هێرشی مووشەکی بۆ سەر سەربازانی وڵاتەکە لە ناوچەکە.
حیزبوڵڵا کوژرانی فەرماندەکەی پشتڕاست نەکردووەتەوە.
رۆژی 8ی تشرینی یەکەمی 2023 حیزبوڵڵای لوبنانی هێرشی کردە سەر باکووری ئیسرائیل و پشتیوانیی خۆی بۆ بزووتنەوەی حەماسی فەلەستینی دەربڕی.
لە 23ی ئەیلوولی ئەم ساڵەوە، ئیسرائیل و حیزبوڵڵا هێرشەکانیان بۆ سەر یەکدی چڕتر کردوونەتەوە.
ئیسرائیل چەندین بەرپرسی باڵای بزووتنەوەکە، لەنێویاندا حەسەن نەسروڵڵا، ئەمینداری گشتیی بزووتنەوەکە و هاشم سەفییەدین، شوێنگرەوەی نەسروڵڵای کوشتووە.
حیزبوڵڵاش دەڵێت، تائێستا زیاتر لە 70 سەربازی ئیسرائیلی کوشتووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ