سەرۆکوەزیرانی پێشووی ئیسرائیل رایدەگەیێنێت، ئەمە باشترین دەرفەتە کە لە 50 ساڵدا هەڵکەوتووە بۆ گۆڕینی رووی رۆژهەڵاتی نێوەڕاست و دەڵێت: ئێران هەڵەیەکی کوشندەی کرد. 

 

بێنێت لە ئێکس نووسیویەتی: "پێویستە ئێستا دەستپێبکەین و بەرنامە ئەتۆمییەکەی ئێران لەنێوببەین، هەروەها ناوەندی وزەکەی و بۆ ئەم رژێمە تیرۆریستە لە پەلوپۆ بخەین."

 

 

سەرۆکی ئەمریکا دەڵێت، ئێران نزیکەی 200 مووشەکی بالیستی ئاراستەی ئیسرائیل کردووە، بەڵام بەپێی خەمڵاندنەکانی ئەوان، شکستیان هێناوە و کاریگەر نەبوون.

 

لەبارەی وەڵامدانەوەی هێرشەکە کە ئیسرائیل هەڕەشەی وەڵامدانەوەی تووند دەکات، بایدن دەڵێت: "هیچ بەهەڵەدا مەچن، ئەمریکا بەتەواوی، بەتەواوی، بەتەواوی پاڵپشتیی ئیسرائیل دەکات."

 

بایدن ئەوەشی گوت، گفتوگۆکەیان لەگەڵ ئیسرائیل لەسەر ئەوەیە کە ئەو دەیەوێت چۆن ئیسرائیل وەڵامی هێرشەکە بداتەوە. تارانیش چاوەڕوان بێت ئەنجامەکەی ببینن.

 

 

 

 

 

سەرۆکوەزیرانی ئیسرائیل لەبارەی هێرشەکەی ئەمشەوی ئێران بۆ سەر وڵاتەکەی رایدەگەیێنێت، "ئێران هەڵەیەکی گەورەی کرد و باجەکەی دەدات."

 

لە پەیامێکی تەلەڤزیۆنیدا، بنیامین نەتەنیاهوو، سەرۆکوەزیرانی ئیسرائیل رایگەیاند، "رژێمی ئێران لە سووربوونی ئێمە بۆ بەرگریلەخۆکردن و وەڵامدانەوەی دووژمنەکانمان تێنەگەیشتووە. سینواز و زەیف لەمە تێنەگەیشتن، نەسروڵڵا و موحسین لەوە تێنەگەیشتن، ئێستاش لەوانەیە ئەوانەی ئێران لەوە تێنەگەن. بەڵام تێدەگەن. ئێمە پابەندین بەو یاسایەی دامانناوە، ئەوەی هێرشبکاتە سەرمان، هێرش دەکەینەسەری." 

 

وەزارەتی بەرگریی ئەمریکا دەڵێت، قەبارەی هێرشەکەی ئەمشەوی ئێران بۆ سەر ئیسرائیل دوو هێندەی هێرشەکەی مانگی نیسانی ئەم ساڵ بوو لەڕووی بەکارهێنانی مووشەکی بالیستییەوە. 

 

پات رایدەر، گوتەبێژی پێنتاگۆن دەڵێت، دوو کەشتیی دەریایی ئەمریکا لە ناوچەکە چەندین مووشەکیان بۆ خستنەخوارەوەی مووشەکەکانی ئێران تەقاندووە.

 

 

چەند خولەکێک پێش هێرشی ئێران بۆ سەر ئیسرائیل لە تەلئەڤیڤ هێرشێکی چەکداریی روویدا لە ئەنجامدا 8 کەس کوژراون، شەشیان کەسانی سڤیلن و دوو کەسەکەی دیکە ئەو کەسانە بوون کە هێرشە چەکدارییەکەیان ئەنجامداوە و لەلایەن هێزە ئەمنییەکانەوە کوژران.

رۆژی سێشەممە 01ی تشرینی یەکەمی 2024، پاتریک رایدەر، گوتەبێژی وەزارەتی بەرگری ئەمریکا (پێنتاگۆن) رایگەیاند، لۆید ئۆستن، وەزیری بەرگریی ئەمریکا بە تەلەفۆن قسەی لەگەڵ هاوتا ئیسرائیلییەکەی یۆئاڤ گاڵانت کرد. رایدەر رایگەیاند، هەردوو وەزیر هاوڕابوون لەسەر ئەوەی هێرشی راستەوخۆی ئێران بۆ سەر ئیسرائیل، لێکەوتەی تووندی بۆ سەر ئێران دەبێت و ئەمریکا ئاماژە بەوە دەکات سوورن لەسەری ئەوەی بەرگری لە هاوپەیمانەکانیان لە ناوچەکە بکەن لەبەرامبەر هەر هێرشێکی ئێران و گرووپەکانی نزیکیان. 

 

بە گوێرەی راگەیێندراوەکە "وەزیری بەرگریی بە هاوتا ئیسرائیلییەکەی راگەیاندووە لە چەند رۆژی رابردوودا هەوڵیانداوە، هێزەکانیان لە ناوچەکە توانایەکی تۆکمەی سەرباز زیاتریان هەبێت."

 

هەروەها وەزیری بەرگریی ئەمریکا روونیکردەوە، "لە پێگەیەکداین بەرگری لە هێزەکانمان و هاوبەشان و هاوپەیمانەکانمان لە ناوچەکە بکەین، لە بەرامبەر هەڕەشەکانی ئێران و رێکخراوە تیرۆرستییەکانی نزیک لە ئێران و سووریشین لەسەر رێگەگرتن لە هەر لایەک بۆ قۆستنەوەی ئەو گرژییانە یان فراوانکردنی ناکۆکییەکان بە ناوچەکەدا." 

 

هەر بە گوێرەی ئەو راگەیێندراوەی گوتەبێژی پێنتاگۆن، هەردوو وەزیری باسیان لە لێکەوتە خراپەکانی  هێرشی راستەوخۆی ئێران بۆ سەر ئیسرائیل کردووە. 

 

کاژێر 07:30ی ئێوارەی رۆژی سێشەممە، سوپای پاسداران رایگەیاند، بە دەیان مووشەک هێرشیان کردووەتە سەر خاکی ئیسرائیل، ئەوەش وەڵامدانەوەیەکە بۆ "شەهیدبوونی ئیسماعیل هەنییە، حەسەن نەسروڵڵا و عەباس نیلفرووشان".

 

بەگوێرەی راگەیێندراوێک، فەرماندەی گشتیی هێزەکانیان لە نزیکەوە چاودێریی دۆخیی ئەمنیی ناوچەکە دەکات و هەموو رێکارێک بۆ پاراستنی سنوورەکانیان دەگرنەبەر

 

 

دانیێڵ هەگاری، گوتەبێژی سوپای ئیسرائیل دەشڵێت: "بەڕێکی توانیمان بەرپەرچیان بدەینەوە، هیچ زانیاریکیشمان لەبارەی زیان و بریندارەوە نییە."

کەمێک لەمەوبەر سوپای ئیسرائیل بڵاویکردەوە، هاووڵاتیان لە شار و شارۆچکەکانی وڵاتەکەی دەتوانن پەناگەکان جێبهێڵن و بچنە دەرەوە.

 

بەڵام سوپای ئیسرائیل داوا لە هاووڵاتیان دەکات چاودێریی دۆخەکە بکەن و پابەندی ئەو رێنماییانە بن پێیان دەدرێت.

 

ئەوە راگەیێندراوە لە کاتێکدایە، نزیکەی کاژێر 7:30ی ئەم ئێوارەیە سوپای ئیسرائیل داوای لە هاووڵاتیانی وڵاتەکەی کرد بچنە پەناگەکان، ئەوەش دوای بڵاوکردنەوەی هەواڵی تایبەت بە دەستپێکردنی هێرشی مووشەکی ئێران.

 

هێرشە مووشەکییەکە نزیکەی کاژێر 7:30 دەستی پێکرد و سوپای ئیسرائیل گوتی، لە رێگەی زیاتر لە 250 مووشەکەوە بووە. 

 

هەر لەو بارەیەوە نزیکەی کاژێر 8ی شەو ، سوپای پاسداران بڵاویکردەوە، هێرشەکە وەڵامدانەوەیەک بووە بۆ "شەهیدبوونی ئیسماعیل هەنییە، حەسەن نەسروڵڵا و عەباس نیلفرووشان". 

 

سوپای پاسداران ئاماژە بەوەش دەکات، ئەگەر "رژێمی زایۆنی کاردانەوەی هەبێت لەبەرامبەر ئۆپەراسیۆنەکەمان، رووبەڕووی هێرشی تووند دەبێتەوە". 

 

ئیسماعیل هەنییە، سەرۆکی پێشووی مەکتەبی سیاسیی بزووتنەوەی حەماس لە کۆتایی مانگی تەمموزدا لە تاران کوژرا، ئەوەش کاتێک بە مەبەستی بەشداریکردن لە رێوڕەسمی سوێندخواردنی مەسعود پزیشکیان وەک سەرۆککۆماری ئێران چووە تاران.

 

رۆژی 27-9-2024یش هێزی ئاسمانیی ئیسرائیل بارەگای سەرەکی حیزبوڵڵای لوبنانی لە بەیرووت بۆردوومانکرد و لە ئەنجامدا حەسەن نەسروڵڵا، ئەمینداری گشتیی حیزبوڵڵا و عەباس نیلفرووشان، فەرماندەی دۆسیەی لوبنانی سوپای پاسداران کوژران.

 

نوێنەرایەتییەکە داوای لە وڵاتانی ناوچەکە کرد دەست لە یارمەتیدانی ئیسرائیل هەڵبگرن.

کەمێک لەمەوبەر کۆشکی سپی بڵاویکردەوە، جۆ بایدن، سەرۆکی ئەمریکا و کامالا هاریس، جێگری سەرۆکی ئەمریکا لە کۆشکی سپییەوە چاودێری پێشهاتەکانی پەیوەندیدار بە هێرشە مووشەکییەکەی ئێران بۆسەر ئیسرائیل دەکەن.

 

کۆشکی سپی دەڵێت، جۆ بایدن فەرمانی بە سوپای وڵاتەکەی کردووە کە هاوکاری هێزی بەرگریی ئیسرائیل بکەن و ئەو مووشەکانە بخەنە خوارەوە کە لە لایەن ئێرانەوە دەتەقێندرێن.

 

راگەێیندراوەکەی کۆشکی سپی لە کاتێکدایە، ئەم ئێوارەیە نزیکەی کاژێر 7:30 سوپای ئیسرائیل بڵاویکردەوە، ئێران لە رێگەی زیاتر لە 250 مووشەکەوە هێرشی کردوەتە سەر وڵاتەکەی.. وەزارەتی دەرەوەی ئەو وڵاتەش باس لەوە دەکات، سوپای وڵاتەکەی هەر کارێک دەکات کە پێویست بێت بۆ پاراستنی هاووڵاتیانی ئیسرائیل.

 

هەر لەو بارەیەوە نزیکەی کاژێر 8ی شەو ، سوپای پاسداران بڵاویکردەوە، هێرشەکە وەڵامدانەوەیەکە بۆ "شەهیدبوونی ئیسماعیل هەنییە، حەسەن نەسروڵڵا و عەباس نیلفرووشان". 

 

سوپای پاسداران ئاماژە بەوەش دەکات، ئەگەر "رژێمی زایۆنی کاردانەوەی هەبێت لەبەرامبەر ئۆپەراسیۆنەکەمان، رووبەڕووی هێرشی تووند دەبێتەوە". 

 

ئیسماعیل هەنییە، سەرۆکی پێشووی مەکتەبی سیاسیی بزووتنەوەی حەماس لە کۆتایی مانگی تەمموزدا لە تاران کوژرا، ئەوەش کاتێک بە مەبەستی بەشداریکردن لە رێوڕەسمی سوێندخواردنی مەسعود پزیشکیان وەک سەرۆککۆماری ئێران چووە تاران.

 

رۆژی 27-9-2024یش هێزی ئاسمانیی ئیسرائیل بارەگای سەرەکی حیزبوڵڵای لوبنانی لە بەیرووت بۆردوومانکرد و لە ئەنجامدا حەسەن نەسروڵڵا، ئەمینداری گشتیی حیزبوڵڵا و عەباس نیلفرووشان، فەرماندەی دۆسیەی لوبنانی سوپای پاسداران کوژران.

 

 

 

 

سوپای پاسداران ئاماژە بەوەش دەکات، ئەگەر "رژێمی زایۆنی کاردانەوەی هەبێت لەبەرامبەر ئۆپەراسیۆنەکەمان، رووبەڕووی هێرشی تووند دەبێتەوە".

ئێوارەی ئەمڕۆ نزیکەی کاژێر 7:30 سوپای ئیسرائیل بڵاویکردەوە، "کەمێک لەمەوبەر، ئاراستەکردنی مووشەک لە ئێرانەوە بە ئاراستەی دەوڵەتی ئیسرائیل دەستی پێکرد". 

 

سوپای ئیسرائیل دەڵێت، هێرشەکە لە رێگەی زیاتر لە 250 مووشەکەوە بووە و وەزارەتی دەرەوەی ئەو وڵاتەش باس لەوە دەکات، سوپای وڵاتەکەی هەر کارێک دەکات کە پێویست بێت بۆ پاراستنی هاووڵاتیانی ئیسرائیل. 

 

هەر لەو بارەیەوە نزیکەی کاژێر 8ی شەو ، سوپای پاسداران بڵاویکردەوە، هێرشەکە وەڵامدانەوەیەکە بۆ "شەهیدبوونی ئیسماعیل هەنییە، حەسەن نەسروڵڵا و عەباس نیلفرووشان". 

 

سوپای پاسداران ئاماژە بەوەش دەکات، ئەگەر "رژێمی زایۆنی کاردانەوەی هەبێت لەبەرامبەر ئۆپەراسیۆنەکەمان، رووبەڕووی هێرشی تووند دەبێتەوە". 

 

ئیسماعیل هەنییە، سەرۆکی پێشووی مەکتەبی سیاسیی بزووتنەوەی حەماس لە کۆتایی مانگی تەمموزدا لە تاران کوژرا، ئەوەش کاتێک بە مەبەستی بەشداریکردن لە رێوڕەسمی سوێندخواردنی مەسعود پزیشکیان وەک سەرۆککۆماری ئێران چووە تاران. 

 

رۆژی 27-9-2024یش هێزی ئاسمانیی ئیسرائیل بارەگای سەرەکی حیزبوڵڵای لوبنانی لە بەیرووت بۆردوومانکرد و لە ئەنجامدا حەسەن نەسروڵڵا، ئەمینداری گشتیی حیزبوڵڵا و عەباس نیلفرووشان، فەرماندەی دۆسیەی لوبنانی سوپای پاسداران کوژران.

ئێوارەی ئەمڕۆ نزیکەی کاژێر 7:30 سوپای ئیسرائیل بڵاویکردەوە، "کەمێک لەمەوبەر، ئاراستەکردنی مووشەک لە ئێرانەوە بە ئاراستەی دەوڵەتی ئیسرائیل دەستی پێکرد". 

 

سوپای ئیسرائیل دەڵێت، هێرشەکە لە رێگەی زیاتر لە 250 مووشەکەوە بووە و وەزارەتی دەرەوەی ئەو وڵاتەش باس لەوە دەکات، سوپای وڵاتەکەی هەر کارێک دەکات کە پێویست بێت بۆ پاراستنی هاووڵاتیانی ئیسرائیل. 

 

هەر لەو بارەیەوە نزیکەی کاژێر 8ی شەو ، سوپای پاسداران بڵاویکردەوە، هێرشەکە وەڵامدانەوەیەکە بۆ "شەهیدبوونی ئیسماعیل هەنییە، حەسەن نەسروڵڵا و عەباس نیلفرووشان". 

 

سوپای پاسداران ئاماژە بەوەش دەکات، ئەگەر "رژێمی زایۆنی کاردانەوەی هەبێت لەبەرامبەر ئۆپەراسیۆنەکەمان، رووبەڕووی هێرشی تووند دەبێتەوە". 

 

ئیسماعیل هەنییە، سەرۆکی پێشووی مەکتەبی سیاسیی بزووتنەوەی حەماس لە کۆتایی مانگی تەمموزدا لە تاران کوژرا، ئەوەش کاتێک بە مەبەستی بەشداریکردن لە رێوڕەسمی سوێندخواردنی مەسعود پزیشکیان وەک سەرۆککۆماری ئێران چووە تاران. 

 

رۆژی 27-9-2024یش هێزی ئاسمانیی ئیسرائیل بارەگای سەرەکی حیزبوڵڵای لوبنانی لە بەیرووت بۆردوومانکرد و لە ئەنجامدا حەسەن نەسروڵڵا، ئەمینداری گشتیی حیزبوڵڵا و عەباس نیلفرووشان، فەرماندەی دۆسیەی لوبنانی سوپای پاسداران کوژران.