رووداو - ئاژانسەکان
یاریدەدەری وەزیری دەرەوەی ئێران بۆ کاروباری وڵاتانی عەرەبی و ئەفریقی، رەخنەی لە بڕیاری دادگای میسر گرت دەربارەی ناساندنی بزووتنەوەی حەمماسی فەڵەستینی وەك رێکخراوێکی تیرۆریستی. دەشڵێت وڵاتی ئیسرائیل تیرۆریستە نەوەک بزووتنەوەی حەماس.
حوسێن ئەمیر عەبدولهیان، یاریدەدەری وەزیری دەرەوەی ئێران ئەمڕۆ یەکشەممە 1 ی ئاداری 2015 رایگەیاند:" ئیخوان موسلیمین بەشێکە لە حەقیقەتی میسر، دەبێت واقیع بینانە جیاوازی بکرێت لە نێوان گرووپە ئۆپۆزیسیۆنە سیاسییەکان و گرووپە تیرۆریستییەکان".
عەبدولەهیان پێیوایە، ئیسرائیل دەستەوەستان ماوە لە بەرامبەر گرووپەکانی بەرگریی حەمماس و جیهادی فەڵەستینی، هەروەها وڵاتی ئیسرائیل وڵاتێکی تیرۆریست و نایاساییە.
گوتەکانی عەبدولەهیان دوای ئەوەهات كە دوێنێ شەممە 28ی شوباتی2015 ، دادگای میسر بزووتنەوەی حەمماسی فەڵەستینی وەك بزووتنەوەیەکی تیرۆریستی ناساند، هاوکات لە 31ی کانوونی دووەمیش، کەتیبەکانی قەسامی باڵی سەربازی حەمماسی خستە لیستی رێکخراوە تیرۆریستییەکانەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ