وەزارەتی تەندروستی: تاكو ئێستا حکومەتی عێراقی هیچ دەرمانێکی بۆ ئاوارەکان نەناردووە

رووداو-هه‌ولێر

رێژەی زۆری ئەو نەخۆشانەی سەردانی نەخۆشخانەو بنکە تەندروستییەکانی هەرێمی کوردستان دەکەن ئاوارەکانی عێراق و سوریان. 

 بەر پرسانی نەخۆشخانەی راپەڕین لە هەولێر کە نەخۆشخانەیەکی تایبەت بەمنداڵانە ئاماژە بۆ ئەوە دەکەن کە لە %70ی ئەو نەخۆشانەی سەردانیان دەکەن ئاوارەکانی ناوەڕاست و خوارووی عێراقن.

دەرمان و پێداویستییە تەندروستییەکانی ئاوارەکان لە لایەن حکومەتی هەرێمی کوردستانەوە دابین دەکرێت، بەرپرسانی وەزارەتی تەندروستی حکومەتی هەرێمی کوردستانیش دەڵێن حکومەتی عێراق دەرمان و پێداویستی تەندروستی ئەو ئاوارانە نانێرێت کە روویان لە هەرێمی کوردستان کردووە. 

وەزیری تەندروستی پێشتر رایگەیاندبوو، لە ساڵی 2003وە کەمتر لە %45ی ئەو بڕە دەرمانەیان بە دەست دەگات کە لە پشکی %17 بۆ هەرێمی کوردستان تەرخانکراوە و مانگانەش بە بەهای 6 ملیار دینار دەرمان لە دەرەوە دەکڕن.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger