لە ئۆرۆگوای کارگەیەک زەیت لەگەڵای ماریوانا درووست دەکات
رووداو - هەولێر
لەناوچەی سویزا، لە باشووری ئۆروگوای ئەمریکای باشوور، کارگەیەکی تایبەت بە درووستکردنی زەیتی گەڵای ماریوانا دروستدەکرێت، کە هەناردەی دەرەوەی وڵاتی دەکات و دەڵێت بەمەبەستی تەندروستی و دروستکردنی دەرمان سوودی لێوەردەگرن.
جۆردن لویس، خاوەن کارگەی درووستکردنی زەیتی گەڵای ماریوانا دەڵێت، ئامانجی ئەوان زیادکردنی بەرهەمی زەیتی ماریوانایە کە لە درووستکردنی دەرمانەکانی تایبەت بە چارەسەرکردنی نەخۆشییەکانی شێرپەنجە، ئازار و کێشە دەروونییەکان بەکاردەهێندرێت.
لویس ئاماژە بەوەشدەدات "کاتێك کە گەڵاکان بە پرۆسەی گوشیندا تێپەڕدەبن، زەیتی گەڵاکان وەردەگرین و پاشماوەکانی دیکە فڕێدەدەین. ئامانجی ئێمە زیادکردنی بەرهەممانە لە شەش تۆنەوە بۆ 10 تۆن و پاشان بۆ 30 تۆن".
زۆربەی خواست لەسەر زەیتی گەڵای ماریوانا لە کەنەدا، ئەوروپا و ئوستورالیایە.
راپۆرتە نێودەوڵەتییە پزیشکییەکان، پێشبینی دەکەن بەهای بازاڕی یاسایی ماریوانا تاوەکو ساڵی 2025 بگاتە نزیکەی 147 ملیار دۆلاری ئەمریکی.