تەندروستی هەولێر سیستمی پەرستاری پەرەپێدەدات

رووداو-هه‌ولێڕ

قۆناخی یەکەمی پرۆگرامی مێنتۆرشیپ کۆتایی پێهات و بەشداربووان بڕوانامەی دەرچوونییان وەرگرت. بەمەش پەرستارانی مێنتۆر دەتوانن ببنە فێرکاری ئەو خوێندکارانەی کە لە پەیمانگە و کۆلێژە پەرستارییەکان بۆ خوێندنی وانەی پراکتیک روو لە نەخۆشخانەکان دەکەن.

بەو پێیەی کە پەرستاران لەنێو نەخۆشخانەکان کاردەکەن و شارەزاییەکی کرداری زیاتریان لە کارەکەیاندا هەیە. گونجاوترن بۆ ئەوەی ببنە فێرکاری خوێندکارانی پەیمانگەو کۆلێژە پەرستارییەکان.

پرۆگرامی مێنتۆرشیپ یەکەمجارە لە هەرێمی کوردستاندا ئەزموون دەکرێت و تەندروستی هەولێریش وەک سامپڵێک وەرگیراوە. 

بەپێی ئاماری سەندیکای کارمەندانی تەندروستی زیاتر لە 22 هەزار کارمەندی تەندروستی ئەندامن لە سەندیکاکەیان، لەم پرۆگرامەشدا 26 پەرستار  بەشدارییان کرد، بەڵام 22 یان توانییان خولەکان تەواو بکەن.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger