هەڵەیەک روویدا! دووبارە هەوڵبدە
رووداو- هەولێر
خۆراکناسانی بەریتانی لە زانکۆی ریدینگ دەڵێن رۆژانە خواردنی خورما ئەگەری تووشبوون بە شێرپەنجەی کۆڵۆن کەمدەکاتەوە.
لە توێژینەوەیەکدا خۆراکناسانی بەریتانی پەیوەندییان دۆزیوەتەوە لەنێوان خواردنی خورما و کەمبوونەوەی مەترسیی شێرپەنجەی کۆڵۆن.
د. سومیا ئێنانی، پسپۆری خۆراک لە زانکۆی ریدینگ و سەرپەرشتیاری توێژینەوەکە دەڵێت: خورما بە رەگەزەخۆراکییە گرنگەکان دەوڵەمەندە و رێژەییەکی زۆری ریشاڵی تێدایە، کە هانی گەشەی بەکتریا سوودبەخشەکانی ریخۆڵە دەدەن.
خۆراکناسە بەریتانییەکە روونیدەکاتەوە بەکتریا سوودبەخشەکانی ریخۆڵە رۆڵێکی گرنگ لە بەهێزکردنی سیستەمی بەگری جەستە دەگێرن و کاتێک بە هەرهۆکارێک ژمارەیان کەمدەکات هەوکردن لەنێو ریخۆڵە دروستدەبێت و هەوکردنی درێژخایەنی ریخۆڵەش لەزۆربەی حاڵەتەکاندا سەردەکشێت بۆ شێرپەنجە.
پسپۆرانی خۆراک لە زانکۆی رێدینگ رێنماییدەدەن رۆژانە دوو بۆ سێ خورما بخورێت ئەمەش چونکە رێگری لە سەرهەڵدانی خانە شێرپەنجەییەکانی کۆڵۆن دەکات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ