رووداو- هەولێر
پزیشكانی کلینیکی پزیشكی وەرزشی لە ریۆ دی جانیرۆ لە بەڕازیل رایدەگەیێنن، ئەوانەی بەشێوەیەکی بەردەوام وەرزشی بەرزکردنەوەی قورسایی ئەنجامدەدەن، تەمەندرێژتر دەبن و تەندروستتر دەژین.
توێژینەوەیەکی کلینیکی پزیشكی وەرزشی لە ریۆ دی جانیرۆ لە بەڕازیل کە لەبارەی کاریگەری بەرزکردنەوەی قورسایی ئەنجامدراوە دەریخستووە، کاتێك کەسێك بەردەوام بۆماوەی درێژخایەن وەرزشە جیاوازەکان و لەنێویاندا وەرزشی بەرزکردنەوەی قورسایی دەکات، تەمەنی درێژتر دەبێت و مەترسی مردنی پێشوەختەی بە نەخۆشییە درێژخایەنەکان کەمترە.
پرۆفیسۆر کلاودیۆ گیل، سەرپەرشتیاری توێژینەوە بەڕازیلییەکە دەڵێت، بەدواداچوونیان بۆ دۆخی تەندروستی زیاتر لە ٤٠٠٠ وەرزشڤانی بەرزکردنەوەی قورسایی ئەنجامداوە و دوای شەش ساڵ بۆیان دەرکەوتووە وەرزشڤانەکانی بەرزکردنەوەی قورسایی زۆرتر دەژین، تەندروستترن و کەمتر تووشی نەخۆشییە درێژخایەنەکان دەبن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ