لەسەر لوتکەی شاخ سەرکەشی لەگەڵ مردن دەکات

رووداو- cihan

دانی ماکاسکیل، پایسکیلسواری سکۆتلەندی، لەسەر لوتکەی چیا سەختەکانی ئەو هەرێمە نمایشێکی بێوێنە بە پاسکیلەکەی دەکات.

ماکاسکیل کە تەمەنی 28 ساڵە و بە "باشترین نمایشکاری پاسکیلسواری لە ئینتەرنێت" ناسراوە لەسەر چیای کولین لە دوورگەی سکای بە پایسکیلەکەیەوە سەرکەشی لەگەڵ مردن دەکات.

نمایشەکە لەژێر ناوی "بەربەستەکە" بە سپۆنسەری رێد بووڵ ئەنجامدراوە و بەسەر هەورازە سەختەکاندا سەردەکەوێت و بە پاسکیلەکەیەوە بەسەر زنار و کێو و جۆبارەکانی نێو سرووشتی ئەو دوورگەیە بازدەدات و لەسەر لوتکەی چیای کوولین-ەوە بە نشێودا دێتە خوارەوە.

ماکاسکیل لە تەمەنی 16 ساڵییەوە پاسکیلسواری دەکات.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger