کچە کوردێكی ئێلیهـ ماوەی دوو هەفتەیە بێسەروشوێنە
رووداو دیجیتاڵ
لە پارێزگای ئێلیهـ ـی باکووری کوردستان کچە کوردێكی تەمەن 19 ساڵ کە خوێندکاری زانکۆیە، ماوەی دوو هەفتەیە بێسەروشوێنە.
رۆژین گۆل لە رۆژی 17ـی کانونی یەکەمی 2024 ـەوە بێسەروشوێنە و تائێستا هیچ هەواڵێکی لەبارەوە نازانرێت.
کەسوکارەکەی و هێزە ئەمنییەکانی ئێلیهـ بەردەوامن لە گەڕان بۆ دۆزینەوەی ئەو کچە گەنجە.
خێزان و کەسە نزیکەکانی رۆژین، چاوەڕێی یارمەتیی لە دەسەڵات و خەڵک دەکەن، بۆ ئەوەی بە سەلامەتی کچەکەیان بۆ بدۆزنەوە.