رووداو دیجیتاڵ
بەڕێوەبەری نەخۆشخانەی شەهید هەژار لە کەلار دەڵێت، ئەمڕۆ لە دوو رووداوی هاتووچۆدا لە سنووری قەزای کەلار، کەسێک گیانی لەدەستدا و 9 کەسیش برینداربوون.
ئەمڕۆ سێشەممە، 31ـی کانوونی یەکەمی 2024، رزگار لەتیف، بەڕێوەبەری نەخۆشخانەی شەهید هەژار لە کەلار بە تۆڕی میدیایی رووداوی راگەیاند: "دوانیوەڕۆی ئەمڕۆ لە رووداوێکی هاتووچۆدا لە رێگەی کەلار - دەربەندیخان کەسێک گیانی لەدەستدا و تەرمەکەی رەوانەی دادپزیشکی کرا".
بەڕێوەبەری نەخۆشخانەی شەهید هەژار دەڵێت: "هەر ئەمڕۆ و نزیک کاژێر 04:00، لە نزیک گوندی گردەگۆزینە و لە ئەنجامی پێکدادانی سێ ئۆتۆمبێل 9 کەس برینداربوون و گەیێندرانە نەخۆشخانەکەمان کە بەشێکیان برینەکانیان سەختە."
ئەو کەسەی لە رووداوەکەی رێگەی کەلار - دەربەندیخان گیانی لەدەستداوە، ناوی ئەحمەد رەحیمە و لەدایکبووی ساڵی 1957 بووە.
12ـی ئەم مانگەش، هەر لەسەر رێگەی کەلار - دەربەندیخان، چوار ئەندامی یەک خێزان کە هەر چواریان منداڵ بوون لە رووداوێکی هاتووچۆدا گیانیان لەدەستدا.
تاوەکو ئەمڕۆ ئاماری رووداوەکانی هاتووچۆی ساڵی رابردوو لە هەرێمی کوردستان بڵاونەکراونەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ