رووداو دیجیتاڵ
حکومەتی عێراق 442 ملیار دیناری بۆ مووچەی مووچەخۆرانی هەرێمی کوردستان خەرج کرد؛ وەزارەتی دارایی هەرێمی کوردستان دەڵێت، هیچ بڕە پارەیەک نەخراوەتە سەر هەژمارەکەیان.
ئێوارەی رۆژی سێشەممە، 31-12-2024، سەرچاوەیەک لە ئەنجوومەنی وەزیرانی عێراق بە تۆڕی میدیایی رووداوی راگەیاند: " 442 ملیار دینار بۆ مووچەی مانگی 12ی هەرێمی کوردستان خەرجکرا".
لەبارەی ناردنی پارەکەوە، سەرچاوەیەک لە وەزارەتی دارایی و ئابووری هەرێمی کوردستان بە تۆڕی میدیایی رووداوی گوت: "هێشتا هیچ بڕە پارەیەک نەخراوەتە سەر هەژمارەی وەزارەتی دارایی".
خەرجکردنی ئەو بڕە پارەیە لەکاتێکدایە، هێشتا فەرمانبەر و مووچەخۆرانی هەرێمی کوردستان مووچەی مانگی یانزەیان وەرنەگرتووە.
ئێستا هەرێمی کوردستان نزیکەی 630 ملیار دیناری لەبەردەستە و نزیکەی 370 ملیار دیناری کەمە بۆ دابەشکردنی مووچەی مانگی 11.
هەرێمى کوردستان مانگانە پێویستى بە 998 ملیار دینارە بۆ مووچەی مووچەخۆرانی.
لە عێراق فەرمانبەران و مووچەخۆران مووچەی مانگی دوانزەیان وەرگرتووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ