رووداو - هەولێر
گوتەبێژی وەزارەتی ئەوقاف و کاروباری ئایینی حکومەتی هەرێمی کوردستان رایگەیاند، شەوی پێنجشەممە یەکەم رۆژی جەژن دیاریدەکرێت.
نەبەز ئیسماعیل، گوتەبێژی وەزارەتی ئەوقاف و کاروباری ئایینی هەرێمی کوردستان بە تۆڕی میدیایی رووداوی راگەیاند "شەوی پێنجشەممە لەسەر هەینی، سعودیە کاتی وەستانی حاجیان لە کێوی عەرەفە و یەکەم رۆژی جەژنی قوربان دیاریدەکات".
دوای ئەوەی یەکەم رۆژی مانگی (زولحەججە) دەرکەوێت، دوای نۆ رۆژ حاجییان لە کێوی عەرەفە دەوەستن، ئەوەش گرنگترین پایەی ئەنجامدانی حەجە کە جیاکەرەوەی نێوان حەج و عەمرەیە، جەژنی قوربان دەستپێدەکات و چوار رۆژ دەخایەنێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ