رووداو دیجیتاڵ
لە پارێزگای رووها-ی باکووری کوردستان، 11 کەس بە تۆمەتی ئەندامێتی و بانگەشەکردن بۆ پەکەکە دەستگیر کران.
بەڕێوەبەرایەتیی ئاسایشی رووها بڵاویکردەوە، لەسەر راسپاردەی سەرۆکایەتیی داواکاری گشتیی شارەکە لە چوارچێوەی لێکۆڵینەوە لە کەیسی پەکەکە / کەجەکە و بە بڕیاری دادگە، بەرەبەیانی ئەمڕۆ هەینی 31ی ئایاری 2024 تیمەکانیان 11 کەسیان لە ئۆپەراسیۆنێکی هاوبەشدا دەستگیر کردووە.
بەڕێوەبەرایەتیی ئاسایشی رووها دەڵێت، دەستگیرکراوەکان لە رێکخستنەکانی گەنجانی سەر بە پەکەکە / کەجەکە چالاکییان کردووە و دوو کەسیان ئەندامی ئەنجوومەنی شارەوانییەکانی سەر بە دەم پارتین، یەکێکیان بە تۆمەتی داڵدەدانی گەریلاکانی پەکەکە و هاوکاریکردنیان، دەستگیر کراون.
هەروەها ژمارەیەک ئامێری دیجیتاڵی و بەڵگەنامەی رێکخراوەیی لە ناونیشانەکانی دەستگیرکراوەکاندا دەستیان بەسەردا گیراوە.
دەستگیرکراوەکان دوای پشکنینی تەندروستیی بۆیان، بەمەبەستی لێکۆڵینەوە، رەوانەی هۆبەی بەرەنگاربوونەوەی تیرۆر لە بەڕێوەبەرایەتی ئاسایش کراون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ