رێبین محەممەد حاجی مەحموود: لەگەڵ سەرۆک بارزانی باسی باشکردنی گوزەرانی خەڵکمان کرد

 

لە کۆبوونەوەکەدا سیداد بارزانی، ئەندامی مەکتەبی سیاسیی پارتی و رێبین محەممەد حاجی مەحموود، ئەندامی مەکتەبی سیاسیی پارتی سۆسیال دیموكراتی كوردستان ئامادەبوون. 

 

بەپێی راگەیێندراوێکی بارەگای بارزانی، "لە دیدارەكەدا هەردوولا بیروڕایان لەبارەی بارودۆخی هەرێمی كوردستان، پڕۆسەی سیاسیی عێراق و  کوردستان و ئاستەنگەكانی بەردەم ئەو پڕۆسەیە و پرسە هەنووکەییەکان ئاڵوگۆڕ كرد."

 

رێبین محەممەد حاجی مەحموود بە رووداوی راگەیاند، " لە کۆبوونەوەکەدا رەوشی سیاسی عێراق و هەرێمی کوردستان و ناوچەکە خرایە بەرباس و گفتوگۆ، دوای هەڵسەنگاندنی دۆخی گشتی، جەخت لە یەکڕیزی نیشتمانی کورد و لایەنە سیاسییەکان و یەکخستنی هەوڵەکان بۆ چارەسەرکردنی کێشەکان و خزمەتکردن و باشکردنی گوزەرانی خەڵکی کوردستان کرا."

 

ئەو ئەندامەی مەکتەبی سیاسیی پارتی سۆسیال دیموكراتی كوردستان گوتیشی: " هەر لە کۆبوونەوەکەدا جەخت لە تووندوتۆڵکردنەوەی پەیوەندییەکانی هەردوولا کرایەوە."