رووداو دیجیتاڵ
بەرپرسی لقی سێی پارتی لە کەرکووک رایگەیاند: "لەگەڵ بەغدا رێکەوتووین بگەڕێینەوە بۆ کەرکوک، مەرجی گەڕانەوەمان نەمانی سوپا و حەشدە لەناو شاردا."
ئەمڕۆ سێشەممە 31-1-2023، محەممەد کەمال، بەرپرسی لقی سێی پارتی لە کەرکووک بە تۆڕی میدیایی رووداوی راگەیاند: دەبێت سوپا و حەشدی تورکمانی بارەگاکانمان لە کەرکووک چۆڵبکەن، مەرجی گەڕانەوەمان بۆ کەرکووک نەمانی سوپا و حەشدە لەناو شاردا و بچنە ناوچەی (کەی-وەن).
محەممەد کەمال گوتی: بەغدا کۆکە لەسەر گەڕانەوەمان بۆ کەرکووک، بەڵام بەهۆی بوونی فرە جەمسەری لە بەغدا، کارەکانمان هەندێک قورس بووە، بەڵام گەڕانەوەمان نزیکە.
پێشتریش محەممەد کەمال بە رووداوی گوتبوو: "بێگومان پارتی دەگەڕێتەوە بۆ کەرکووک، بەڵام دەبێت بەشێوەیەک بگەڕێتەوە لە ئاستی داواکاریی خەڵکی کەرکووکدا بێت، نەک بەبێ دەسەڵاتی بگەڕێتەوە. لەسەر گەڕانەوەی پارتی و کردنەوەی بارەگای فەرمی لە کەرکووک و موسڵ لەگەڵ سەرۆکوەزیرانی عێراق قسە کراوە."
لە رۆژی 16ی ئۆکتۆبەری 2017ەوە، دوای ئەوەی حەشدی شەعبی و هێزە عێراقییەکان کەرکووک و دەوروبەریان کۆنترۆڵکرد، پارتی لە کەرکووک کشایەوە و بارەگاکانی چۆڵکرد.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ