پێشبینی دەکرێت پێنجشەممە لە بەشێکی هەرێمی کوردستان باران ببارێت

 

رۆژی دووشەممە (30-10-2023) بەشی کەشناسی لە وەزارەتی گواستنەوە و گەیاندنی هەرێمی کوردستان بڵاویکردەوە، سبەی ئاسمان بە گشتی لەنێوان هەور و نیمچە هەوردەبێت و پلەی گەرما لە ناوچە شاخاوییەکان کەمێک نزم دەبێتەوە، بەراورد بە پلەی تۆمارکراوی ئەمڕۆ.

 

ئاراس جەبار، شارەزای کەشناسی ئەمڕۆ بە تۆڕی میدیایی رووداوی گوت، "لەم دوو رۆژەدا پێشبینی بارانبارین ناکرێت، بەڵام لە رۆژانی 2، 3 و 4ـی مانگی داهاتوو، پێشبینی بارانبارین دەکرێت کە کاریگەرییەکەی زیاتر لە سنووری پارێزگای سلێمانی دەبێت."

 

بەگوتەی ئاراس جەبار، پێشبینی دەکرێت ئەو رۆژانە "لە بەشێک لە ناوچەکان نمەباران ببارێت، بەڵام پێشبینی دەکرێت لە سلێمانی و هەڵەبجە تاوەباران بێت و لەوێ کاریگەرییەکەی زیاتر بێت؛ پلەی گەرماش دادەبەزێت."

 

 

هەولێر؛ 31 پلەى سیلیزى

سلێمانی؛ 27 پلەى سیلیزى

دهۆک؛ 29 پلەى سیلیزى

کەرکووک؛ 32 پلەى سیلیزى

هەڵەبجە؛ 31 پلەى سیلیزى

زاخۆ؛ 30 پلەى سیلیزى

حاجی ئۆمەران؛ 20 پلەى سیلیزى

سۆران؛ 27 پلەى سیلیزى

گەرمیان؛ 34 پلەى سیلیزى