| رووداو.نێت

گالەری

کۆنسێرتی دەفلێدان لە ماڵی میوزیکی زەهاوی لە هەولێر

30-06-2022

28 Photos

بڵند تاهیر @Bilindtahir

رووداو دیجیتاڵ

ئەمشەو پێنجشەممە 30-6-2022، گرووپی دەفژەنانی سەرمەست بە سەرپەرشتی عەسەل مەلەکزادە، دەفژەنی ئێرانی و گرووپی میوزیکی باشووری کوردستان بە سەرپەرشتی هەژار زەهاوی، ژەنیاری دەف و سەرۆکی ماڵی میوزیکی زەهاوی، چەند بەرهەمێکیان پێشکێشکرد.

گرووپی سەرمەست لە 90 ژەنیاری دەف پێکهاتووە و لە رەگەزی مێن، بەڵام تەنیا 10 دەفژەنیان لە کۆنسێرتەکەدا ئامادەبوون و چەندین بەرهەمی جیاوازیان پێشکێش بە ئامادەبووان کرد.

هەژار زەهاوی و عەسەل مەلیکزاد، لە 2018 بەرهەمێکی دوێتیان بەشێوەی ڤیدیۆکلیپ بڵاوکردووەتەوە کە لە ئیتاڵیا و کۆپییەکی دیکەی لە تورکیا وێنەگیراوە و یەکەم بەرهەمی دوێتی دەفە لە نێوان هونەرمەندی ژن و پیاودا و کاری هاوبەشی ئەمجارەیان لە کۆنسێرتی ماڵی میوزیکی زەهاوی بوو.

هەژار زەهاوی لە 4 تشرینی دووەمی 2021 لە رێگەی کۆنسێرتێکەوە و بە بەشداری هونەرمەندانی هەرچوار پارچەی کوردستان، ماڵی میوزیکیی زەهاوی راگەیاند.

ماڵی میوزیکیی زەهاوی لەگەڵ سازکردنی کۆنسێرتەکان، وۆرکشۆپ و ماستەر کڵاس بۆ گەنجانی هەولێر و هۆگرانی میوزیک سازدەکات و بە هونەری پارچەکانی دیکەی کوردستان و جیهان ئاشنا دەکرێن.

لە 20-06-2019 هەژار زەهاوی لەگەڵ ژمارەیەک هونەرمەندی جیهانی، کۆنسێرتی 'شارەکانی نێرگز'ـی لە قەڵای هەولێر سازکرد، کۆنسێرتەکە بە سپۆنسەری تۆڕی میدیایی رووداو بوو و هەوڵێک بوو بۆ ناساندنی زیاتری ئەو قەڵایە لەسەر ئاستی جیهاندا.