رووداو دیجیتاڵ
بەهۆی دۆخی کەشوهەوا و هەبوونی تەمەوە، 11 گەشتی فڕۆکەخانەی نێودەوڵەتیی هەولێر دواخران.
سەرچاوەیەک لە فڕۆکەخانەی نێودەوڵەتیی هەولێر، ئەمڕۆ هەینی 29-11-2024 بە تۆڕی میدیایی رووداوی گوت: "گەشتەکان بەهۆی دۆخی کەشوهەواوە دواخراون و هەڵنەوەشاونەتەوە".
گەشتەکانی هاتن بۆ هەولێر کە کاتەکانیان دواخراوە ئەمانەن: عەممان – هەولێر. دۆحە – هەولێر و سێ گەشتی ئیستەنبووڵ – هەولێر.
هەروەها ئەو گەشتانەی دەبوو لە هەولێرەوە بکرێن و دواخراون ئەمانەن: سێ گەشتی هەولێر – ئیستەنبووڵ. هەولێر – شاریقە. هەولێر – عەممان. هەولێر – دۆحە.
بەگوێرەی فڕۆکەخانەی هەولێر، بڕیارە کاژێر 10:00ـی بەیانی ئەو فڕۆکانەی گەشتەکانیان دواخراوە گەشت بکەن، "ئەگەر دۆخی کەشوهەوا گۆڕانی بەسەردا نەیەت".
لە هەرێمی کوردستان دوو فڕۆکەخانەی نێودەوڵەتی هەن، فڕۆکەخانەکانی سلێمانی و هەولێر. بەگوێرەی زانیاریی رووداو، لە فڕۆکەخانەی سلێمانی هیچ گەشتێک بەهۆی کەشوهەواوە دوانەخراوە.
هاوکات بە هۆکاری جیا، گەشتێکی ئیستەنبووڵ - هەولێر و گەشتێکی سلێمانی عەممان هەڵوەشاونەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ