لە سنووری تەقتەق هەورەبرووسکە لە سێ کەس دەدات

 

ئەمڕۆ هەینی 29-10-2021 هاوکار عەلی، گوتەبێژی تەندروستیی کۆیە بە تۆڕی میدیایی رووداوی راگەیاند: "کاژێر 8ی ئێوارەی ئەمڕۆ لە ئەنجامی هەورەبرووسکە 3 هاونیشتمانی لە سێ شوێنی جیا جیا برینداربوون".

 

هاوکار عەلی دەڵێت، "یەکێک لە بریندارەکان کە پێشمەرگەیە لە گوندی پەلکانە هەورەبرووسکە لێیداوە؛ پێشمەرگەیەکی دیکەش لە گوندی شیوەسوور هەورەبرووسکە لێیداوە و برینداربووە؛ تەندروستیی یەکێکیان ناجێگیرە".

 

سەبارەت بە کەسی سێیەم، گوتەبێژی تەندروستیی کۆیە گوتی، "کەسی سێیەم کرێکارێکی عەرەبە و لە حەوزی بەخێوکردنی ماسی لە تەقەتەق پاسەوانە؛ هەورەبرووسکە لێیداوە و ئێستا تەندروستیی باشە و لەسەر خواستی خۆی رەوانەی ماڵەوە کراوە".