گرووپێک شاخەوان سرووشتی قامووشان لە باکووری کوردستان بە جیهان دەناسێنن

 

 

رێبەرانی گرووپەکە ئەو گەشتە بە ناساندنی شارۆچکەی قامووشان و شاخە بڵندەکانی ئەو ناوچەیە دەناسێنن. عارف گیونەش، سەرۆکی گرووپی خۆشەویستانی سرووشتە و دەڵێت، "ئامانجمان ئەوەیە لە کەرتی گەشتیاریدا بازاڕگەری بۆ ساریقامش بکەین. بەڕاستی ساریقامیش سرووشتێکی ناوازەی هەیە. بانگهێشتی شاخەوانان، گرووپە سرووشت دۆستەکان و وەرزش دۆستان دەکەین بۆ ئەوەی بێنە ئێرە."

 

دۆڵی کەکلیک، بەرزترین شوێنی شارۆچکەی قامووشانە، کە بەرزییەکەی دوو هەزار و 150 مەترە، گرووپەکە لە بەرزیی 70 مەترەوە بەرەو خوارەوە دابەزین و دواتریش جارێکی دیکە بەو بەرزییەدا سەرکەوتنەوە.

 

ئیلیاس چاغڵار، مامۆستای زانکۆی کافکاسە، لەبارەی گەشتەکەوە گوتی، "ئێرە بەتایبەتی بۆ سەرکەوتن بۆ سەر شاخ و دابەزین زۆر لەبار و جوانە. تایبەتمەندیی زۆری هەیە. لەگەڵ هاوڕێیانی گرووپەکەمان ئامادەکاریمان کرد و بەگوێرەی پلان گەیشتینە ئێرە. دوای دابەزین 'کامپ'مان دانا. دواتریش سەرکەوتن و دابەزینمان تەواوکرد و کۆتاییمان بە چالاکییەکەمان هێنا."

 

گرووپی خۆشەویستانی سروشت بەپێی پلانێک ئامادەکاریی دەکەن لە گەشتە بەردەوامەکانیاندا شارۆچکەی قامووشان بە جیهان بناسێنن.