ئاسایشی سلێمانی: سێ تۆمەتبار بەتۆمەتی دزیکردن لە مزگەوت دەستگیرکران

 

بەپێی راگەیێندراوێکی ئاسایشی رۆژئاوای سلێمانی کە ئەمڕۆ چوارشەممە 29-9-2022 بڵاوی کردووەتەوە، سێ لە تۆمەتبارەکان بەناوی (د،و،ع)، (م،ج ،ح) و (ھ ،ھ، ئ) "دانیشتووی ناحیەی تەکیەی کاکەمەندن لە سنووری قەزای چەمچەماڵ کە باندێکی دزیکردنیان پێکهێنابوو لە سلێمانی."

 

وەک لە راگەیێندراوەکەی ئاسایشی سلێمانی دا ئاماژەی پێکراوە، تۆمەتبارەکان دزییان لە چەند مزگەوت و شوێنی دیکە کردووە و ئاسایش دەشڵێت، لەم شوێنانە دزیان کردووە:

 

 

لەکاتی لێکۆڵینەوەدا یەکێک لە تۆمەتبارەکان ئاشکرای کردووە کە "لەلایەن تۆمەتبار (ھ،ھ ئ) دەستدرێژی سێکسیی کراوەتە سەری."

 

یەکێکی دیکە لە تۆمەتبارە دەستگیرکراوەکان، ماتۆڕسکیلی هاونیشتمانییانی دزیوە و ویستوویەتی پارچەکانی لە بازاڕدا بفرۆشێتەوە.

 

ئاسایشی سلێمانی دەڵێ، هێزەکانیان لە بەڕێوەبەرایەتیی ئاسایشی رۆژئاوای سلێمانی "تۆمەتبارێکی دیکە بەناوی (ج، ئ،ج) ، دانیشتووی گەڕەکی پیرادییەکانی ناحیەی شۆڕشیان دەستگیرکرد کە هەستاوە بەدزینی ماتۆڕسکیلی هاووڵاتیان و پاش تەلەفۆنکردن و پارچەپارچەکردنیان ویستوێتی لەبازاڕدا بیفرۆشێتەوە."

 

ئاسایش دەشڵێت، تۆمەتبارەکان سەرجەمیان لەسەر داوای یاسایی هاووڵاتیان و بەبڕیاری دادوەری دادگەی لێکۆڵینەوە بەپێی ماددەکانی 393 و  446 لە یاسای سزادان گیراون و راگیراون لێکۆڵینەوە لەگەڵیاندا بەردەوامە.

 

ئاسایشی سلێمانی ئاماژەی بەوەش داوە کە ماتۆڕسکیلێک و چەندین پارچەی ماتۆڕسکیل کە دزرابوون لەلایەن تۆمەبارەکانەوە و چەندین کەلوپەلی سەربازیش بەبڕیاری دادوەر لەلایەن هێزەکانمانەوە دەستیبەسەردا گیراوە.