رووداو دیجیتاڵ
ئەمڕۆ لە چەمچەماڵ مووچەی لیوا هاوبەشەکانی سەر بە وەزارەتی پێشمەرگە دابەشکرا، لە کاتی نۆرەی وەرگرتنی مووچە دوو پێشمەرگە دەبێتە دەمەقاڵییان و یەکێکیان تەقە لە بانکەکە دەکات.
بەگوێرەی ئەو زانیارییانەی دەست تۆڕی میدیایی رووداوی کەوتووە، ئەمڕۆ پێنجشەممە 29-09-2022 لە کاتی دابەشکردنی مووچەی مانگی ئەیلوولی لیوا هاوبەشەکاندا دوو پێشمەرگە لەسەر نۆرەگرتنی مووچە دەبێتە دەمەقاڵییان و یەکێکیان نزیکەی نۆ گوللە دەنێت بە بانکی چەمچەماڵەوە.
بەپێی زانیارییەکان، ئەو پێشمەرگەی تەقەی کردووە بەپێی ماددەی 405 راگیراوە، بەڵام پێشمەرگەکەی دیکە دەستگیر نەکراوە.
دابەشکردنی مووچە لە بانکی چەمچەماڵ بەردەوامە و لە کاتی رووداوەکە هیچ کەسێک بریندار نەبووە.
ئەو دوو کەسە، بەگوێرەی ئەو زانیارییانەی بەردەستن، وەکو پێشمەرگەکانی دیکە سەردانی بانکیان بۆ وەرگرتنی مووچە کردووە و هیچ گرفتێکیان نەبووە لەوێ، تەنیا لەسەر نۆرەی وەرگرتنی مووچە بووەتە دەمەقاڵییان.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ