رووداو دیجیتاڵ
سەرۆک بارزانی پیرۆزبایی جەژنی رەمەزان لە موسڵمانانی جیهان، عێراق و کوردستان دەکات و هیوای خۆشی و ئارامی بۆ خەڵكی كوردستان دەخوازێت.
ئێوارەی ئەمڕۆ شەممە، 29ـی ئاداری 2025، سەرۆک بارزانی لە پەیامێکی پیرۆزباییدا رایگەیاند: "بەبۆنەی هاتنەوەی جەژنی رەمەزانی پیرۆزەوە گەرمترین پیرۆزبایی ئاراستەی موسڵمانانی جیهان و عێراق و كوردستان دەكەم. پیرۆزبایی جەژنی رەمەزان لە خانەوادەی سەربەرزی شەهیدان و پێشمەرگە قارەمانەكان و سەرجەم هاووڵاتیانی كوردستان دەكەم."
سەرۆک بارزانی دەشڵێت: "لەو بۆنە پیرۆزەدا هیوای خۆشی و ئارامی بۆ خەڵكی خۆشەویستی كوردستان دەخوازم و، لە خودای گەورە داواكارم رۆژوو و عیبادەتی هەموو موسڵمانانی قبووڵ بکات و ئەو جەژنە ئاشتی و خێر و ئارامی بۆ گشت مرۆڤایەتی بەدی بهێنێت."
ئێوارەی ئەمڕۆ شەممە، وەزارەتی ئەوقاف و کاروباری ئایینی هەرێمی کوردستان رایگەیاند: "سبەی (یەکشەممە، 30-3-2025) یەکەم رۆژی جەژنی رەمەزانە."
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ