تورکیا: بەرپرسی گومرگی پەکەکەمان لە قەندیل کوشتووە

 

لە میدیاکانی تورکیا وا بڵاوکراوەتەوە کە ئۆپەراسیۆنەکە بە هاوبەشی لەنێوان وەزارەتی بەرگریی تورکیا و میت بووە و لە هێرشێکی ئاسمانیدا بازگەیەکی پەکەکە کراوەتە ئامانج کە یەکێک لە کوژراوەکان، عومەر ئایدن بەرپرسی گومرگی پەکەکە بووە.

 

کۆمیتەی شەهیدانی پەکەکە لەبارەی شەڕەکە و کات و ناسنامەی ئەو کەسانەی کە گیانیان لەدەستداوە رایگەیاند : "لە 2ی شوباتی 2021دا لە هەرێمەکانی پاراستنی میدیا سوپای داگیرکەری تورک هێرشی ئاسمانی ئەنجامدا و لە هێرشەکەدا رێناس ئایدن (عومەر ئایدن)، زەردەشت کوردوان (ئیسماعیل کایا)، عەگید راپەرین (مەندوح یاردمجی)، مەزلۆم عەفرین (محەمەد عەبدۆ عەبدولمەنال حسێن عەبدۆ) شەهید بوون".