رووداو دیجیتاڵ
بەگوێرەی پێشبینییەکانی کەشناسی و بوومەلەرزەزانی هەرێمی کوردستان، سبەی ئاسمان ساماڵ و پەڵە هەور دەبێت. شارەزاییەکی کەشناسیش دەڵێت، تاوەکو مانگی کانوونی دووەمی ساڵی 2023 باران نابارێت و پلەی گەرما جێگیر دەبێت.
رۆژی چوارشەممە 28-12-2022، کەشناسی و بوومەلەرزەزانی هەرێمی کوردستان پێشبینییەکانی بۆ کەشوهەوای سبەی پێنجشەممە راگەیاند و گوتی، سبەی ئاسمان ساماڵ و پەڵە هەور دەبێت و پلەی گەرما بەمشێوەیە دەبێت:
- هەولێر؛ 14 پلەى سیلیزى
- سلێمانی؛ 9 پلەى سیلیزى
- دهۆک؛ 13 پلەى سیلیزى
- کەرکووک؛ 15 پلەى سیلیزى
- هەڵەبجە؛ 9 پلەى سیلیزى
- زاخۆ؛ 14 پلەى سیلیزى
- سۆران؛ 10 پلەى سیلیزى
- گەرمیان؛ 16 پلەى سیلیزى
لەبارەی پێشبینیەکانی بارانبارین، ئاراس جەبار، شارەزای کەشناسی ئەمڕۆ چوارشەممە 28-12-2022 بە تۆڕی میدیایی رووداوی گوت، کەشوهەوا بەردەوام گۆڕانکاری بەسەردا دێت، بەڵام ئەوەی ئێستا هەیە تاوەکو 10ی مانگی داهاتوو پێشبینی بارانبارین ناکرێت و کەشوهەوا جێگیر دەبێت.
لەبارەی پلەی گەرما، ئاراس جەبار گوتی: "تاوەکو هەفتەی داهاتوو پلەی گەرما جۆرێک لە سەقامگیری بەخۆیەوە دەبینیت، بەڵام دوای ئەوە بەراورد بە ئێستا پلەی گەرما دوو بۆ سێ پلە بەرز دەبێتەوە."
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ