دوایین کۆنسێرتی ئەمساڵی ماڵی زەهاوی
رووداو دیجیتاڵ
دوایین کۆنسێرتی ئەمساڵی ماڵی زەهاوی لەسەر قەڵای هەولێر بەبەشداریی ژمارەیەک موزیکژەن و هۆزانڤان بەڕێوەچوو.
لە کۆنسێرتەکەدا هونەرمەندانی هەموو ناوچەکانی کوردستان بەشداربوون، ئەمساڵ ماڵی زەهاوی پێنج کۆنسێرتیان لەسەر قەڵای هەولێر کردووە و بڕیارە لە ساڵانی داهاتووش ئەو پڕۆژەیە بەردەوام بێت بەڵام بەشێوازی جیا.
سەرجەم کۆنسێرتەکانی ماڵی زەهاوی لە قەڵای هەولێر بەڕێوەچوون، کە مۆسیقا و گۆرانی کلاسیک و مۆدێرنیان لەخۆ دەگرت و هونەرمەندان لە هەر چوار پارچەی کوردستان و دەرەوە ئامادەبوون.
هەژار زەهاوی، هونەرمەندی کورد دەڵێت، ئەوان دەیانەوێت ماڵی موزیکی زەهاوی ببێتە ماڵێکی نێودەوڵەتی کە هونەرمەندان لە هەموو جیهان بەشداریی تێدا بکەن، ئێستاش بەهۆی وەرزی زستان و سەرماوە کارەکانیان بۆ ماوەیەکی کاتی رادەگرن.
هێنتیر میکنییەر، مۆسیقاژەنێکە و دەڵێت، "دەبینم کارێکی زۆر گەنجانەیە بۆ کۆکردنەوەی هونەرمەندانی ناوچە جیاوازەکان و بەرەوپێشبردنی کولتووری ناوچەکانیان."
ماڵی زەهاوی لە کۆتایی ساڵی 2021 لەلایەن هەژار زەهاوی، هونەرمەندی کورد دروستکراوە، کۆنسێرت و ماستەرکلاس و وۆرکشۆپ بۆ هەژاران رێکدەخات.
کۆنسێرتەکانی ئەمساڵ کۆتاییهات، بەڵام تاوەکو مانگی حوزەیرانی داهاتوو، چەند وۆرکشۆپێک لەلایەن ئەو ماڵەوە بەڕێوەدەچێت، بۆ ئەوەی بتوانن جارێکی دیکە دەست بە کۆنسێرتەکان بکەنەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ