بەڕێوەبەری نەوت و کانزای دهۆک: زیاتر لە 4 ملیۆن لیتر نەوت لە پارێزگای دهۆک دابەشکراوە

 

ئەمڕۆ شەممە، 24ی ئەیلوولی2024، کارزان رەئووف، بەڕێوەبەری نەوت و کانزای دهۆک بە وەکالەت، بە تۆڕی میدیایی رووداوی راگەیاند: "دابەشکردنی نەوت لە پارێزگای دهۆک زۆر بەباشی بەڕێوەدەچێت، زیاتر لە 20 هەزار خێزان نەوتیان وەرگرتووە کە زیاتر لە 4 ملیۆن لیتریان پێدراوە".

 

کارزان رەئووف گوتی: "لە ماوەیەکی نزیکدا دابەشکردنی نەوت دەگاتە سەنتەری پارێزگای دهۆک، هەر خێزانێک بەرمیلێک (200 لیتر) نەوت وەردەگرێت، کە بە 100 هەزار دینار پێیان دەدرێت."

 

لە 12ی ئەیلوولی 2024ـەوە، دابەشکردنی نەوت لە ناوچە شاخاوییەکانی پارێزگای دهۆک دەستیپێکردووە و نزیکەی 14 بۆ 15 ناوچە لە وەرگرتنی نەوت سوودمەند بوون.