زیاتر بخوێنەوە

زیاتر بخوێنەوە

شاڵاو عەلی عەسکەری، ئەندامی مەکتەبی سیاسی یەکێتی بە رووداوی گوت، لە دیداری یەکێتی پێشنیازەکان بۆ سەرکردایەتی یەكتی بەرزدەکرێتەوە و لە کۆبوونەوەی داهاتووی سەرکردایەتی بڕیاری لەسەر دەدرێت. 

لەبارەی چارەنووسی لاهوور شێخ جەنگی لەنێو یەکێتیدا، شاڵاو عەلی عەسکەری ئاماژەی بەوە کرد، "رەنگە لە کۆبوونەوەی سەرکردایەتی یەکێتی بڕیار لەسەر چارەنووسی لاهوور شێخ جەنگی و بەشێک لە هەڤاڵانی دیکە بدرێت." 

بەگوتەی شاڵاو عەلی عەسکەری، "ئامانج لە دیدارەکە دوو بەشە، بەشێکیان روئیای یەکێتییە بۆ دەوڵەتداری چ لە کورستان چ لە عێراق، کە ئەمەیان زیاتر پەیوەندی بە عامەوە هەیە مەرج نییە هەمووی کادیری یەکێتی بێت. بەشێکی دیکەشیان پەیوەندی بە خودی حیزبەکەوە هەیە." 

ئەو ئەندامەی مەکتەبی سیاسی یەکێتی باس لە دۆخی حیزبەکەی پاش کۆنگرەی حیزبەکەی دەکات و گوتی، لە دوای کۆنگرەی چوارەم هەندێک حاڵەتیان مابوو کە کۆنگرەکەی پێ تەواو بکەن و "ئەم دیدارەش بۆ ئەوەیە کە چارەسەر بۆ کێشەکان بدۆزینەوە و چاکی بکەین کە ئەمەیان بە تەواوی پەیوەندی بە یەکێتییەوە هەیە. ئەم دیدارە ئیشەڵڵا دەبێتە دیدارێک کە یەکێتی بەخۆیدا بچێتەوە." 
زیاتر بخوێنەوە

زیاتر بخوێنەوە

ئەندامێکی سەرکردایەتی یەکێتی نیشتمانیی کوردستان رایدەگەیێنێت، "چارەسەری کێشەی هاوسەرۆکان لە دەسەڵایەتی ئەنجوومەنی سەرکردایەتییە نەک دیداری یەکێتی"، دەشڵێت، "دیدارەکە واتە چاکسازی لەنێو حیزبەکە." 

نەسروڵڵا سورچی، ئەندامی سەرکردایەتی یەکێتی نیشتمانیی کوردستان لەبارەی گرنگیی دیداری یەکێتی بە رووداوی راگەیاند، "لە دوای کۆنگرەی چوار، یەکێتی بەنیازی نوێبوونەوەیە کە هەموو لایەنەکان دەگرێتەوە، دوایین دیدار ساز دەکات کە ماوەی چوار رۆژ دەخایەنێت."

لەبارەی ئەوەی نێوەڕۆکی دیدارەکەوە، نەسروڵڵا سورچی ئاماژە بەوە دەکات، "هەموو ئەو بیرۆکانە کۆدەکرێنەوە و گفتوگۆیان لەبارەوە دەکرێت کە لە دیدارەکان گەڵاڵەبوون، دەگەینە ئەنجامی کۆتایی کە چۆن یەکێتی نوێ ببێتەوە." 

سەبارەت بەوەی دیداری یەکێتی دەتوانێت کێشەی نێوان هاوسەرۆکان چارەسەر بکات، نەسروڵڵا سورچی دەڵێت: "ئەو بابەتە پەیوەندی بە پەیڕەوی ناوخۆی حیزبەوە هەیە، ئەو پەیڕەوە ئەنجوومەنی سەرکردایەتی دەسەڵاتی هەیە گۆڕانکاری تێدا بکات، بۆیە هیچ پەیوەندی بە دیدارەوە نییە. دیدارەکە واتە چاکسازی لەنێو حیزبەکە، بیر و بۆچوونەکان یەکدەخرێن بەمەبەستی نەهێشتنی باڵ باڵێن." 

زیاتر بخوێنەوە

دەرباز کۆسرەت رەسوڵ رایدەگەیێنێت، "گرنگە ساڵانە دیدارێکمان هەبێت بۆ هەڵسەنگاندنی کارەکانی خۆمان. کە لە خۆمان پرسین ئایا ئامانجەکانی خۆمان بەدەستهێناوە یان نا."

دەرباز کۆسرەت رەسوڵ، کارگێڕی مەکتەبی سیاسی یەکێتی نیشتمانی کوردستان لە دیداری یەکێتیدا رایگەیاند، پێیان خۆشە کادیرەکانیان بەشداریی بکەن لە بڕیارەکانی حیزبەکەدا و پێشنیازەکانیان دەکەن، ئەوانیش گفتوگۆ لەسەر پێشنیازەکانیان دەکەن. 

کارگێڕی مەکتەبی سیاسی یەکێتی راشیدەگەیێنیت، "ئێمە دەرگاکانمان دانەخستووە، ئێمە ئەو حیزبە وشکەنین کە بڵێین خۆمان بە تەنیا بڕیاردەدەین. پێماخۆشە لە خوارەوە تاوەکو سەرەوە پێکەوە بڕیاربدات، لە هەموو پرسەکاندا دەنگ و رەنگیان هەبێت ئەوە دیموکراسی راستەقینەیە." 

لەبارەی نزیکی یەکێتی لە خەڵکەوە، دەرباز کۆسرەت رەسوڵ گوتی، "ئێمە وەک سەرکردایەتی و مەکتەبی سیاسی خۆمان بە نزیک لە ئازارەکانی خەڵک دەزانین. لە چەند مانگی رابردوودا توانیومانە چەند دەستکەوتێک بۆ سلێمانی بەدەستبێنین." 

لەبارەی بە بنەماڵەیی بوونی یەکێتییەوە، دەرباز کۆسرەت رەسوڵ ئاماژەی بەوە کرد، "یەکێتی هەرگیز حیزبێکی بنەماڵەیی نەبووە، لە هەزارەها بنەماڵە پێکهاتووە کە لە بادینانەوە تاوەکو خانەقین چەندین خانەوادە پشکیان تێیدا هەبووە."

لەبارەی نوێبوونەوەی یەکێتییەوە، کارگێڕەکەی مەکتەبی سیاسی یەکێتی باسی لەوە کرد، "ئێمە باسی نوێبوونەوە ناکەین لە دەموچاوەکان، باسی نوێبوونەوە دەکەین لە سیاسەتەکانمان، چۆن خۆمان بگونجێنین لەگەڵ قۆناخەکانی ئەو رووداوانەی دێنە پێش بگونجێنین." 

زیاتر بخوێنەوە

سەرۆکی فراکسیۆنی یەکێتی لە ئەنجوومەنی پارێزگای هەولێر رایدەگەیێنێت، دیداری یەکێتی چاوخشاندنەوە دەبێت بە ئەدەبیاتی یەکێتی. ئاماژە بەوەش دەدات کە یەکێتی چیتر رێگە بەو سیاسەتە نادات لە حکومەت بیت و دژایەتی حکومەت بکەیت. 

ئەمڕۆ شەممە 28-05-2022، رێباز بێرکۆتی، سەرۆکی فراکسیۆنی یەکێتی لە ئەنجوومەنی پارێزگای هەولێر، میوانی بوولتەنی هەواڵەکانی کاژێر 08:00 بوو کە بێستوون عوسمان لە ستۆدیۆکانی سلێمانی تۆڕی میدیایی رووداوەوە پێشکێشی دەکات.

سەبارەت بە دیدار گشتی یەکێتی و پرسی هاوسەرۆکی و سەرۆک لەو دیدارەدا، رێباز بێرکۆتی گوتی، "بۆ مەسەلەی هاوسەرۆک رەنگە شتێکی گونجاو نەبێت لەگەڵ پەیکەری رێکخراوەیی یەکێتی نیشتمانیی کوردستان، بۆیە بنکەی جەماوەری یەکێتیش پێی نامۆ بوو، ئەدەبیاتی یەکێتیش شتی وای تێدا نەبوو، بەڵکو زیاتر لە سکرتێر سەرچاوەی گرتووە، بۆیە رەنگە پێداچوونەوە بەو مەسەلەیە بکرێت و چاو بەو بابەتەدا بخشێندرێتەوە." 

بە بڕوای رێباز بێرکۆتی، "شتێک عەمەلی نەبێت و لەگەڵ واقیعدا نەگونجێت، دەبێت چاوی پێدا بخشێنیتەوە، ئەو دیدارە چاوخشاندنەوەیە بەو پرسانەی کە تێیدا سەرکەوتوو نەبوون و گونجاو نەبووە. دیدگای یەکێتی نیشتمانیی کوردستان بۆ پەیکەری رێکخراوەیی و داهاتووی لە حکومەتی هەرێمی کوردستان و پەیوەندی لەگەڵ حیزبەکان و پەیوەندییە ئیقلیمییەکانی لەو دیدارە دیاریدەکرێت."

سەبارەت بەو سیاسەتەی کە یەکێتی لە ماوەی رابردوودا پەیڕەوی کردووە کە هەم لەنێو حکومەتدا بوو هەمیش ئۆپۆزسیۆن و پێداچوونەوەی ئەو بابەتە لە دیداری یەکێتی، رێباز بێرکۆتی دەڵێت: "هەندێک کەسی تووندڕەو رەنگە جەنابی کاک قوبادیشیان ئیحراج کردبێت لەو بەرپرساریێتە، ئێمە لە دیداری یەکێتیدا لە نوێبوونەوەی یەکێتیدا ئێستا لە دوای کۆنگرەی 4 لەگەڵ ئەو گۆڕانکارییە جەوهەرییانەی کراون، پێمانوایە ئێمە بە ئەندازەی ئەوەی کە بەشدارین لە حکومەت بەرپرسیاریێتیشمان لەسەر شانە." 

سەرۆکی فراکسیۆنی یەکێتی لە ئەنجوومەنی پارێزگای هەولێر پێیوایە، "نابێت بەو دیدگا تووندڕەوییە یان بەو شێوەیە دژایەتی حکومەت بکرێت، یەکێتی نیشتمانی کوردستان لە سەرچاوەی بڕیارەوە لەلایەن کاک قوباد و کاک بافڵ رێگە بەوە نادەن چیتر ئەو سیاسەتە پەیڕەو بکرێت تۆ لە حکومەت بیت و دژایەتی حکومەت بکەیت." 

زیاتر بخوێنەوە

زیاتر بخوێنەوە

دیداری یەکێتی لە سلێمانی دەستیپێکرد. قوباد تاڵەبانی، سەرپەرشتیاری دیدارەکە وەک یەکەم بەرپرسی حیزبەکە گوتارێکی پێشکێشکرد و گوتی، "ئەوەی دەمانەوێ لە دیداری یەکێتی بیکەین تەواوکردنی کارەکانی کۆنگرەیە." دەشڵێت، "بە سەرۆکایەتیی سەرۆک بافڵ تاڵەبانی توانیمان ئارامی بۆ نێو حیزب بگەرێنینەوە."  

لەبارەی ئامانجەکانی دیدارەکە و ئەوەی پێویستە بیکەن، قوباد تاڵەبانی دەڵێت، "پێویستە داڕشتنێکی راستگۆیانە بۆ سیاسەتی حیزبەکەمان بکەین." 

زیاتر بخوێنەوە

زیاتر بخوێنەوە

 

زیاتر بخوێنەوە