هەڵەیەک روویدا! دووبارە هەوڵبدە
دڵشاد عەبدولڕەحمان، تەمەنی 40 ساڵ بوو کە لە رووداوەکەدا گیانی لەدەستدا
رووداو دیجیتاڵ
نیوەڕۆی ئەمڕۆ هاونیشتمانییەک لە چیای ئەلهووی سنووری ئامێدی بەهۆی تەقینەوەی تی ئێن تییەوە گیانی لەدەستدا و هاوڕێیەکیشی بریندارە و لە نەخۆشخانەی فریاکەوتنی دهۆک چارەسەری تەندروستی بۆ دەکرێت. کەسوکارێکی دەڵێت، بەهۆی رووداوەکەوە قاچەکانی لێ ببوونەوە.
ماجد بەرچی، شاهێدحاڵی رووداوەکەیە و دەڵێت، "نزیکەی کاژێرێک چووینە سەر چیاکە تاوەکو گەیشتینە شوێنی رووداوەکە، سەیرمان کرد یەکێکیان گیانی لەدەستداوە و یەکێکی دیکەیش بریندارە. بریندارەکەمان رەوانەی نەخۆشخانە کرد."
دڵشاد عەبدولڕەحمان کە تەمەنی 40 ساڵ بوو، لە رووداوەکەدا گیانی لەدەستدا، لە مزگەوتی گوندی کانێ لە سنووری ئامێدی نوێژ لەسەر تەرمەکەی کرا و لە ئامێدی بە خاک سپێردرا.
فەخری بەرواری، کەسوکاری دڵشادە و بە رووداوی گوت، "هەم چووبوونە گەشت و هەمیش بۆ هێنانەوەی گژوگیای بەهاری چووبوون، باوکی [دڵشادیش] لە گەڵیان بوو، دوو کەسی دیکەشیان لەگەڵ بوو کە ئەوان سەلامەتن. بەپێی زانیارییەکانی ئێمە، تی ئێن تی پێیاندا تەقیوەتەوە، چونکە قوربانییەکەی پێیەکانی لێ ببووەوە."
دڵشاد عەبدولڕەحمان هاوژین و سێ منداڵی لە دوای خۆیدا بەجێهێشت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ