رووداو دیجیتاڵ
لە شاری عەفرینی رۆژئاوای کوردستان، لە ئاکامی تەقینەوەیەکدا، کەسێک گیانی لەدەستدا و پێنج کەسی دیکەش بریندار بوون.
ئەمڕۆ چوارشەممە 27ی کانوونی یەکەمی 2023، لە ناوەڕاستی شاری عەفرینی رۆژئاوای کوردستان، تەقینەوەیەک روویدا و لە ئاکامدا کەسێک گیانی لەدەستدا کە منداڵە و پێنجی کەسی دیکە بریندار بوون.
سەرچاوەیەکی تایبەت بە رووداوی راگەیاند، ماتۆڕسکیلێکی بۆمبڕێژکراو، لە قەراخی شەقامی سێرڤسانی ئەشرەفییە تەقیوەتەوە.
لە سەردەمی داگیرکردنی عەفریندا لەلایەن هێزەکانی تورکیا و هاوکات چەکدارکردنی ئۆپۆزسیۆنی سووریاوە، دەیان تەقینەوە لە نێو پارێزگای عەفریندا تەقیونەتەوە.
عەفرین، شارێکی رۆژئاوای کوردستانە، کەوتووەتە پارێزگای حەلەب. ئەم شارە لە سنووری باکووری رۆژئاوای سووریا و لە ناوچەیەکی کوێستانی بە ناوی کرمانج ھەڵکەوتووە. 366 گوندی لە پانتایی 2٫033 کم لەخۆگرتووە. ژمارەی دانیشتووانی ناوچەی عەفرین پتر لە 460 ھەزار کەسە، لە حەوت ناوچەدا جێگیر بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ