ژمارەیەک گورگ لە گوندێکی کەرکووک هێرش دەکەنە سەر رانە مەڕی شوانێکی کورد و زیانێکی زۆری پێدەگەیێنن

 

 

سۆران تەها، خاوەنی مەڕەکان بە تۆڕی میدیایی رووداوی راگەیاند، "کاژێر 02:00ی بەرەبەیانی شەممە ژمارەیەک گورگ بەسەر خانوویەکی قوڕدا سەرکەوتوون و چوونەتە نێو رانە مەڕەکەوە و دەستیان بە خواردن و کوشتنی مەڕەکان کردووە."

 

خاوەنی مەڕەکان ئاماژەی بەوەش کرد، "ئەو شەوە لە گوند نەبووم و شوانکارییەکمان لەوێ بووە، کاتێک چووم بینیم گورگەکان 32 مەڕ و 28 بەرخیان کوشتووە و چەند مەڕێکی دیکەشیان بریندار کردووە و هەڵاتوون."