دووان لەو کەسانەی تەقەیان لە قایمقامی رواندز کرد خۆیان رادەستی پۆلیس کرد

 

 

شەماڵ دێواری، گوتەبێژی پۆلیسی سۆران بە تۆڕی میدیایی رووداوی راگەیاند، کەسی سێیەمیش لەلایەن پۆلیسەوە دەستگیرکراوە و پەڕاوی لێکۆڵینەوەش بۆ رووداوەکە کراوەتەوە.

 

ئێوارەی رۆژی چوارشەممە 26-04-2023 کاژێر 06:30 خولەک لەکاتی بەڕێوەچوونی پرسەیەک تەقە لە قایمقامی رواندز کرا، بەڵام بە سەلامەتی رزگاری بوو.

 

بەپێی زانیارییەکانی رووداو، کێشەکە لەنێوان بنەماڵەی ئەحمەد قادر، قایمقامی رواندز و بنەماڵەکەی دیکە دەگەڕێتەوە بۆ 32 ساڵ بەر لە ئێستا.