رووداو دیجیتاڵ
چوونی خەڵک بۆ چەندین ناوچەی سنووری لە پارێزگای شرنەخی باکووری کوردستان بۆ 15 رۆژ قەدەخە کرا. قەدەخەکردنەکە بەپێی یاسای سەربازی راگەیێندراوە.
پارێزگەی شرنەخ راگەیێندراوێکی بڵاوکردەوە، ناوچە سنوورییەکانی سەر بە سلۆپی، گابار، گوچلو کۆناک، سوهور یایلا، جودی، جزیرێ، فارقین، فاراشین، تەختەڕەش، بەیتوشەباب، دۆنمەزلەر، کۆڤانکایا، خوسرەوپاشا و ئاڵتنداغ وەک "ناوچەی ئەمنیی تایبەت" ناسێندراون و بۆ 15 رۆژ چوون و هاتنی خەڵک بۆیان قەدەخەیە.
بڕیاری قەدەخەکردنەکە لە ئەمڕۆوە 27ـی ئاداری 2024 دەستیپێکرد و تاوەکو 10ی کانوونی دووەمی 2025 بەردەوام دەبێت.
پارێزگەی شرنەخ دەڵێت، بە مەبەستی "پاراستنی ئاسایشی نەتەوەیی، دەستەبەرکردنی سەلامەتی گشتی، رێگری لە تاوان و پاراستنی ماف و ئازادییەکان"، ئەو شوێنانە وەک ناوچەی ئەمنیی تایبەت راگەیێندراون و داوای لە خەڵکیش کرد پابەندی بڕیارەکە بن و سەردانی ئەو ناوچانە نەکەن.
سوپای تورکیا چەند مانگێکە ئۆپەراسیۆنە سەربازییەکانی دژ بە گەریلاکانی پەکەکە لە ناوچە سنوورییەکانی باکوور و باشووری کوردستان و چەند پارێزگایەکی دیکەی باکووری کوردستان زیادکردووە. ئەو شوێنانەی ئۆپەراسیۆنیان تێدا بەڕێوەدەچێت وەک ناوچەی ئەمنیی تایبەت رادەگەیێندرێن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ