ئاگرەکەی بازاڕی لەنگەی هەولێر کۆنترۆڵکرا

 

 

گوتیشی، تەنیا هەندێ ئاگری پچڕ پچڕ لەنێو دووکانەکان ماون کە کاریگەرییان نییە.

 

ئێوارەی ئەمڕۆ سێشەممە، ئاگرێکی گەورە لە بازاڕی لەنگەی هەولێر کەوتەوە.

 

هێشتا بە فەرمی زیانە مادییەکانی رووداوەکە رانەگەیەنراون، بەڵام زیانی گیانی نەبووە.

 

پێش کوژاندنەوەی ئاگرەکە، ئومێد خۆشناو، پارێزگاری هەولێر لە کۆنفرانسێکی رۆژنامەڤانیدا لە بازاڕی لەنگەی هەولێر رایگەیاند، بەپێی ئامارە سەرەتاییەکان، 20 کەس بەهۆی تەنگەنەفەسییەوە گەیێندراونەتە نەخۆشخانە، بەڵام هیچیان نەسووتاون و بەشێکیان کارمەندانی بەرگریی شارستانین.

 

رووداو هەر لە سەرەتاوە، رووماڵی ئاگرەکەی کرد. لێرەوە وێنە، ڤیدیۆ و زانیاری ببینە.

 

ئاگرەکە لە سەروبەندی داخستنی دووکانەکاندا کەوتەوە، شایەتحاڵێک بە رووداوی گوت، "هۆکارەکەی شۆرتی کارەبا بوو".

 

لە پاش زیاتر لە دوو کاژێر لە بەردەوامیی ئاگرەکە، کاروان میراودەلی، گوتەبێژی بەرگریی شارستانیی هەولێر قسەی بۆ رۆژنامەڤانان کرد و گوتی، "تا رادەیەک لەژێر کۆنترۆڵی ئێمەدایە، ئاگرەکە بەرزە و دووکەڵەکەی مەترسیدارترە، داوا لە هاوڵاتیان دەکەین دووربکەونەوە".

 

گوتیشی، تاوەکو ئێستا نەیانتوانیوە بزانن هۆکاری ئاگرکەوتنەوەکە چیبووە.

 

ئەوە یەکەمجار نییە ئاگر لەو بازاڕە بکەوێتەوە، پێشتریش لە مانگی تشرینی یەکەمی 2018 ئاگرێکی گەورە لە هەمان شوێن کەوتەوە و بەهۆیەوە 1200 دووکانی بازاڕەکە سووتان؛ ئەوکات ئاگرەکە لە رێگەی بەکارهێنانی هێلیکۆپتەر و لە دوای بارینی بارانێکی بەلێزمە، کۆنترۆڵکرا.