داعش لە دیالە هێرش دەکات؛ کەسێک دەکوژێت و یەکێکی دیکەش بریندار دەکات

 

ئەو کەسانەی کە کوژراون و برینداربوون ئامۆزای یەکدی بوون، بە گوتەی خێزان و کەسوکاریان کە قسەیان بۆ پەیامنێری رووداو کردووە، لە کاژێر دوای 09:00ـی بەیانی هێرشیان کراوەتەسەر. 

 

لە هێرشەکەی داعشدا عەبدولئیلا عاسیی تەمەن 21 ساڵان کوژراوە و ئەحمەد عەدالی 30 ساڵیش گولـلە بەر سکی کەوتووە. پەیامنێری رووداو ئاماژەی بەوە کرد، چەکدارەکان لە دوورەوە و لەسەر ماتۆڕ تەقەیان لێکردوون. 

 

پۆلیسی دیالە بە تۆڕی میدیایی رووداوی راگەیاند، هێرشەکە لەلایەن چەکداری داعشەوە کراوە. 

 

بەپێی زانیارییەکانی رووداو، ئەحمەد عەدال دوای ئەوەی گوێزراوەتەوە بۆ نەخۆشخانە و نەشتەرگەری بۆکراوە، ئێستا تەندروستیی جێگیرە.