وێنەی عەبدولئیلا عاسی کە لە هێرشەکەدا گیانی لەدەستدا
رووداو دیجیتاڵ
بەیانیی رۆژی دووشەممە، چەکدارانی داعش لەسەر دەریاچەی حەمرین لە سنووری دیالە هێرش دەکەنە سەر دوو راوچیی ماسی، یەکێکیان دەکوژن و ئەوی دیکەش بریندار دەکەن.
ئەو کەسانەی کە کوژراون و برینداربوون ئامۆزای یەکدی بوون، بە گوتەی خێزان و کەسوکاریان کە قسەیان بۆ پەیامنێری رووداو کردووە، لە کاژێر دوای 09:00ـی بەیانی هێرشیان کراوەتەسەر.
لە هێرشەکەی داعشدا عەبدولئیلا عاسیی تەمەن 21 ساڵان کوژراوە و ئەحمەد عەدالی 30 ساڵیش گولـلە بەر سکی کەوتووە. پەیامنێری رووداو ئاماژەی بەوە کرد، چەکدارەکان لە دوورەوە و لەسەر ماتۆڕ تەقەیان لێکردوون.
پۆلیسی دیالە بە تۆڕی میدیایی رووداوی راگەیاند، هێرشەکە لەلایەن چەکداری داعشەوە کراوە.
بەپێی زانیارییەکانی رووداو، ئەحمەد عەدال دوای ئەوەی گوێزراوەتەوە بۆ نەخۆشخانە و نەشتەرگەری بۆکراوە، ئێستا تەندروستیی جێگیرە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ