بەهۆی خۆڵبارین زیاتر لە 180 کەس سەردانی نەخۆشخانەکانی کەرکووکیان کردووە
رووداو دیجیتاڵ
شەوی پێنجشەممە خۆڵبارینێکی چڕ رووی لە سنووری پارێزگای کەرکووک کرد و بەهۆیەوە 188 کەس تووشی هەناسەتووندی بوون و سەردانی نەخۆشخانەیان کردووە.
سامان یابە، بەرپرسی بەشی راگەیاندنی فەرمانگەی تەندروستیی کەرکووک بە تۆڕی میدیایی رووداوی راگەیاند، شەوی رابردوو کاریگەریی خۆڵبارینەکە زیاتر دەرکەوت، هەر بۆیە 155 کەس تووشی هەناسە تووندی بوون و سەردانی نەخۆشخانەکانیان کردووە.
بەیانیی ئەمڕۆ هەینی چڕیی خۆڵبارینەکە کەمبووەتەوە و ئاستی بینین زیاد بووە، بەڵام کاریگەریی خۆڵبارینەکە هەر ماوە.