فڕۆکەکانی تورکیا چیای مەتینیان بۆردوومان کرد
رووداو دیجیتاڵ
فڕۆکەکانی تورکیا زنجیرە چیای مەتینیان لە سنووری ناحیەی دێرەلووکی پارێزگای دهۆک بۆردوومان کرد.
فایەق، بەڵاڤەیی، هاونیشتمانییەکی ئەو ناوچەیەیە کە ڤیدیۆی کاتی بۆردوومانەکەی بۆ رووداو ناردووە و دەڵێت: پاشنیوەڕۆی ئەمڕۆ هەینی فڕۆکەکانی تورکیا سنووری چیای مەتینیان بۆردوومان کردووە.
لەبارەی زەرەر و زیانەکانەوە، وەک ئەو هاونیشتمانییە دەڵێت، شوێنی بۆردوومانەکە خەڵکی سڤیلی تێدا ناژی، بۆیە زیانی گیانی بەر خەڵک نەکەوتووە.