رووداو دیجیتاڵ
کەشناسیی هەرێمی کوردستان رایگەیاند، ئەمڕۆ ئاسمان بەتەواوی هەور دەبێت و لە زۆربەی کاتەکان نمەباران دەبارێت. کەشناسێکیش دەڵێت: "رۆژی هەینی پلەی گەرما 5 تاوەکو 6 پلە بەرز دەبێتەوە."
بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان، کەشى پێشبینیکراوى 48 کاژێری داهاتووی راگەیاند، بەپێی پێشبینییەکان ئەمڕۆ ئاسمان بەتەواوی هەور دایدەپۆشێت و لە زۆربەی کاتەکان نمەباران دەبارێت. لە ناوچە شاخاوییەکاندا بارانی مامناوەند دەبارێت. رێژەی دابارین لە پارێزگای دهۆک زیاتر دەبێت و پلەی گەرما بەراورد بە ناوچەکانی دیکە نزم دەبێتەوە.
ئەمڕۆ سێشەممە 26-3-2024 شاڵاو هیدایەت، شارەزای کەشوهەوا بە رووداوی گوت: "پێشبینی دەکەین بارانی مامناوەند و بەخوڕ لە ناوچە جیاوازەکاندا ببارێت. هەروەها ئەگەری تەرزە لە هەندێ شوێندا هەیە؛ بەڵام پێشبینی تەرزەی قەبارە گەورە ناکرێت."
لە راگەیێندراوەکەی کەشناسیی هەرێمی کوردستاندا بۆ سبەی چوارشەممە، 27/3/2024، روونکراوەتەوە: "سبەی ئاسمان هەوری تەواو دەبێت؛ ئەگەری بارانی پچڕپچڕ هەیە تایبەت لە کاتەکانی بەیانی زوودا. پلەی گەرما 2 بۆ 4 پلە بەرز دەبێتەوە."
شاڵاو هیدایەت، شارەزای کەشوهەوا دەشڵێت: "سبەی کاریگەریی ئەو شەپۆلە لاواز دەبێت؛ پلەی گەرما بە نزمی دەمێنێتەوە. رۆژی هەینی پلەی گەرما 5 تاوەکو 6 پلە بەرز دەبێتەوە."
پلەی گەرمای پێشبینیکراو بۆ رۆژی چوارشەممە:
هەولێر: 18
سلێمانی: 17
دهۆک: 16
کەرکوک: 20
هەڵەبجە: 18
زاخۆ: 17
سۆران: 15
حاجی ئۆمەران: 6
گەرمیان : 22
بڕی بارانى 12 کاژێری رابردووى هەندێک لە ناوچەکانى هەرێمی کوردستان
هەولێر: 0.2 ملم
سلێمانى: دڵۆپ دڵۆپ
چەمچەماڵ: 0.2 ملم
دەربەندیخان: 0.4 ملم
حاجى ئۆمەران: 14.8 ملم
هەڵەبجە: 0.8 ملم
هەڵشۆ: 0.6 ملم
سۆران: 0.8 ملم
پێنجوێن: 2.2 ملم
مێرگەسۆر: 4.6 ملم
سیدەکان: 2.2 ملم
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ