لە رانیە لە شەڕی نێوان چەند گەنجێک کەسێک کوژرا و سێی دیکەش بریندار بوون

 

مستەفا رەسوول، بەڕێوەبەری پۆلیسی راپەڕین ئەمڕۆ (یەکشەممە، 26-1-2025) بە تۆڕی میدیایی رووداوی راگەیاند "نزیکەی کاژێر 01:00 بەرەبەیان لە رانیە شەڕ لەنێوان چەند گەنجێک روویدا، بەهۆی بەکارهێنانی چەک و تەقەکردن، کەسێک کوژرا و سێی دیکەش بریندارن.''

 

گەنجە کوژراوەکە ناوی ژیناڵ ئیبراهیمە و تەمەنی 22 ساڵە.

 

یەکێک لە بریندارەکان بەگوتەی بەڕێوەبەری پۆلیسی راپەڕین "بەهۆی سەختیی برینەکەیەوە، رەوانەی نەخۆشخانەکانی سلێمانی کراوە."

 

هەتاوەکو ئێستا پۆلیس هۆکاری شەڕەکەی رانەگەیاندووە، بەڵام دەگوترێت "بەهۆی کێشەی کۆمەڵایەتی بووە."