رووداو دیجیتاڵ
کاژێر 11:00ـی ئەمشەو، شەممە 25-11-2023، دەنگی تەقەیەکی زۆر لە ناوەندی ئیدارەی سۆران بیسترا. بەپێی بەدواداچوونی رووداو، بەهەڵە تەقە لە کامێرایەکی فڕیو (فڵای کام)ـی دەزگایەکی راگەیاندن کراوە و تەقەکەرەکان وایانزانیوە درۆنە.
بەپێی زانیارییەکانی ئەندام جەبار، پەیامنێری رووداو لە سۆران، درۆنێک بەسەر ماڵی بەرپرسی لقی 10 و لقی 26ـی گوڵانی پارتی دیموکراتی کوردستاندا سووڕاوەتەوە و پاسەوانەکانی هەردوو بەرپرسان، تەقەیان لێکردووە.
دوای تەقەکردنەکە، دەرکەوتووە کە درۆنەکە، کامێرای دەزگایەکی راگەیاندنە و ئەوانیش بێئاگابوون لە بەکارهێنانی.
هەژار عەلی، بەرپرسی نووسینگەی سۆرانی کوردستان تیڤی بە رووداوی راگەیاند، فڵای کام ـی ئەوان بووە و پیشتر ئاسایشی سۆرانیان لە فڕاندنی ئاگادار کردووەتەوە کە ویستوویانە دیمەنی شەوانی سۆران تۆماربکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ