رووداو دیجیتاڵ
وەزیری ئاوەدانکردنەوە و نیشتەجێبوون لەبارەی بە ئەلیکترۆنیکردنی (نیشتمانیکردن)ی مووچەی فەرمانبەرانی هەرێمی کوردستان بە رووداوی راگەیاند، تەنیا جێبەجێکردنی ماوە.
ئێوارەی ئەمڕۆ یەکشەممە، 25ـی شوباتی 2024، بەنگین رێکانی، وەزیری ئاوەدانکردنەوە و نیشتەجێبوونی عێراق، سەبارەت بە رێکارەکانی پێدانی مووچەی فەرمانبەران و خانەنشینانی هەرێمی کوردستان لەلایەن بەغداوە، تۆڕی میدیایی رووداوی راگەیاند: "بڕیارەکان دراون، تەنیا جێبەجێکردنی ماوە."
رێکانی راشیگەیاند: "هەروەها پێویستە هەردوو حکومەتی هەرێمی کوردستان و ناوەندی، لەسەر میکانیزمی جێبەجێکردنیەوە، رێگەچارەیەک بدۆزنەوە کە زامنی مافی خەڵک بکات."
رۆژی چوارشەممەی رابردوو، 21ـی شوباتی 2024، دادگەی باڵای فیدراڵی بڕیارێکی دەرکرد بۆ بە ئەلیکترۆنیکردنی (نیشتمانیکردن)ی مووچەی سەرجەم فەرمانبەران و خانەنشینانی هەرێمی کوردستان لەلایەن حکومەتی ناوەندییەوە لە رێگەی بانکە فیدراڵییەکان و داوای لە هەردوو حکومەتی هەرێمی کوردستان و ناوەند کرد، هاوئاهەنگی بکەن بەگرتنەبەری میکانیزمێکی تایبەت بۆ جێبەجێکردنیان.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ