رووداو دیجیتاڵ
لە شاری جۆلەمێرگی باکووری کوردستان، ژنێک کە دایکی دوو منداڵە لە ماڵەکەی خۆیدا بەسەربڕاوی دۆزرایەوە.
رووداوەکە درەنگی شەوی رابرادوو لە شوقەیەکدا لە شەقامی "کایاجان" لە گەڕەکی "بوڵاک" روویداوە و تەرمی ژنێک بە ناوی "م. ج." لە ماڵەکەی خۆیدا بە مردوویی دۆزرایەوە کە بە چەقۆ لە ملی دراوە.
دوای گیانلەدەستدانی گوماناویی ئەو ژنە، تیمەکانی پۆلیس و فریاکەوتن رەوانەی شوێنی رووداوەکە کران. کەسوکاری ژنەکەش چوونە شەقامی "کایاجان" و لێکۆڵینەوە لە رووداوەکە دەستیپێکرد.
تەرمی "م. ج." بۆ پشکنین گەیێندراوەتە نەخۆشخانەی جۆلەمێرگ و دوای کۆتاییهاتنی رێکارەکان، لە گۆڕستانی "سەرێ سۆلان" بە خاک دەسپێردرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ