سەرۆک بارزانی پێشوازی لە ئەمینداری گشتیی پرۆژەی نیشتمانیی عێراقی کرد

 

 

رۆژی یەکشەممە، 24ی تشرینی دووەمی 2024، بارەگای بارزانی رایگەیاند، لە پیرمام سەرۆک مەسعود بارزانی پێشوازیی لە شێخ جەمال ئەلزاری ئەمینداری گشتی پرۆژەی نیشتمانیی عێراقی و شاندێکی یاوەری کرد کە پێکهاتبوون لە ئەندامانی ئەنجوومەنی نوێنەرانی عێراق هەریەکە لە خالید سولتان هاشم، ئەندامی لیژنەی ئاسایش و بەرگری و حەمید کەسار ئەلزوبعی.

 

بەگوێرەی راگەیێندراوەکەی بارەگای بارزانی، لە دیدارەکەدا "دوایین پێشهاتە سیاسی و ئەمنییەکانی عێراق و بایەخی هەبوونی پەیوەندی و هەماهەنگی لە نێوان لایەنە سیاسیەکانی عێراق گفتوگۆیان لە بارەوە کرا، هەروەها رۆشنایی خرایە سەر پەیوەندییەکانی نێوان حکومەتی هەرێمی کوردستان و حکومەتی فیدراڵی عێراق."