روونکردنەوەیەک لەبارەی کاراکردنی زانکۆلاین بۆ وەرگرتنی قوتابییان لە زانکۆ و پەیمانگەکان
رووداو دیجیتاڵ
سەرۆكی لیژنەی پەروەردە و خوێندنی باڵا لە پەرلەمانی كوردستان روونکردنەوەیەکی لەبارەی کاراکردنی زانکۆلاین بۆ وەرگرتنی قوتابیانی 12ی ئامادەیی لە زانکۆ و پەیمانگەکان بڵاوکردەوە و دەڵێت، ئەمڕۆ ئەنجامەکان رانەگەیێندرێن.
عەبدولسەلام دۆڵەمەڕی، سەرۆكی لیژنەی پەروەردە و خوێندنی باڵا لە پەرلەمانی كوردستان ئەمڕۆ یەکشەممە 24-10-2021 بە تۆڕی میدیایی رووداوی راگەیاند: "لە ئەنجامی بەدواداچوونمان بۆ ھۆکاری دواکەوتنی ئەنجامی وەرگرتنی قوتابیان لە زانکۆ و پەیمانگەکان، لە پێنجشەممەی رابردووەوە لە ناوەندی وەرگرتن رێکارەکان تەواو بوون، بەڵام ھەندێک گرفت بۆ ئەوانەی کە راستەوخۆ مامەڵەی وەرگرتنیان پێشکەش کردبوو ھاتەپێش؛ ئێستا کاری وردتری پێویستە".
سەرۆكی لیژنەی پەروەردە و خوێندنی باڵا لە پەرلەمانی كوردستان دەشڵێت: "ئەمڕۆ ئەنجامەکانی زانکۆلاین رانەگەیێندرێن و ئەو راگەیاندنە دواخرا تاوەکو لێکۆڵینەوەی باشتر بکرێت و ھەڵەکانی ساڵی رابردوو دووبارە نەبنەوە".
عەبدولسەلام دۆڵەمەڕی داوا لە قوتابییان دەکات "پشوو درێژتربن؛ کارەکان بەرەو تەواوبوون دەچن و لە کاتێکی نزیکدا ئەنجامەکان رادەگەیێندرێن".
بڕیاربوو پێنجشەممەی رابردوو زانکۆلاین کارابکرێت و ناوی قوتابییانی وەرگیراو لە زانکۆ و پەیمانگەکان ئاشکرا بکرێت، بەڵام تاوەکو ئێستا زانکۆلاین وێبسایتەکەی کارا نەکردووە و نووسیویەتی "تکایە چاوەڕوانی ئەنجامەکان بن".
وەزارەتی خوێندنی باڵا و توێژینەوەی زانستی حکومەتی هەرێمی کوردستان ژمارەی ئەو دەرچووانەی 12ی ئامادەیی ئاشکرا کردووە کە داواکارییان پێشکێشکردووە بۆ خوێندن لە زانکۆ و پەیمانگەکان و دەڵێت، زیاتر لە 52 هەزار و 500 قوتابین.
سەرۆكی لیژنەی پەروەردە و خوێندنی باڵا لە پەرلەمانی كوردستان روونکردنەوەیەکی لەبارەی کاراکردنی زانکۆلاین بۆ وەرگرتنی قوتابیانی 12ی ئامادەیی لە زانکۆ و پەیمانگەکان بڵاوکردەوە و دەڵێت، ئەمڕۆ ئەنجامەکان رانەگەیێندرێن.
عەبدولسەلام دۆڵەمەڕی، سەرۆكی لیژنەی پەروەردە و خوێندنی باڵا لە پەرلەمانی كوردستان ئەمڕۆ یەکشەممە 24-10-2021 بە تۆڕی میدیایی رووداوی راگەیاند: "لە ئەنجامی بەدواداچوونمان بۆ ھۆکاری دواکەوتنی ئەنجامی وەرگرتنی قوتابیان لە زانکۆ و پەیمانگەکان، لە پێنجشەممەی رابردووەوە لە ناوەندی وەرگرتن رێکارەکان تەواو بوون، بەڵام ھەندێک گرفت بۆ ئەوانەی کە راستەوخۆ مامەڵەی وەرگرتنیان پێشکەش کردبوو ھاتەپێش؛ ئێستا کاری وردتری پێویستە".
سەرۆكی لیژنەی پەروەردە و خوێندنی باڵا لە پەرلەمانی كوردستان دەشڵێت: "ئەمڕۆ ئەنجامەکانی زانکۆلاین رانەگەیێندرێن و ئەو راگەیاندنە دواخرا تاوەکو لێکۆڵینەوەی باشتر بکرێت و ھەڵەکانی ساڵی رابردوو دووبارە نەبنەوە".
عەبدولسەلام دۆڵەمەڕی داوا لە قوتابییان دەکات "پشوو درێژتربن؛ کارەکان بەرەو تەواوبوون دەچن و لە کاتێکی نزیکدا ئەنجامەکان رادەگەیێندرێن".
بڕیاربوو پێنجشەممەی رابردوو زانکۆلاین کارابکرێت و ناوی قوتابییانی وەرگیراو لە زانکۆ و پەیمانگەکان ئاشکرا بکرێت، بەڵام تاوەکو ئێستا زانکۆلاین وێبسایتەکەی کارا نەکردووە و نووسیویەتی "تکایە چاوەڕوانی ئەنجامەکان بن".
وەزارەتی خوێندنی باڵا و توێژینەوەی زانستی حکومەتی هەرێمی کوردستان ژمارەی ئەو دەرچووانەی 12ی ئامادەیی ئاشکرا کردووە کە داواکارییان پێشکێشکردووە بۆ خوێندن لە زانکۆ و پەیمانگەکان و دەڵێت، زیاتر لە 52 هەزار و 500 قوتابین.